今日同大家講下企業。從前有一間跨國公司好叻叻，廿幾年來業績一直上揚，締造一個又一個嘅商業奇蹟。呢間公司嘅員工其實唔係好頂級，有啲係平平哋挖其他中小企過嚟嘅；有啲係一畢業就打呢間公司嘅工，越做越好。點解佢哋咁成功？當然，佢哋嘅CEO功不可沒，廿六年前接手呢間公司之後整頓整頓，而且一直都同公司共同進退，更厲害嘅係佢嘅management skill頂瓜瓜，再唔掂嘅員工都訓練得好好；而且慧眼識人，有時平平哋挖返嚟嘅員工仔好快就變打工皇帝。不過佢嘅style都幾特別，好惡死、好進取，大家慣咗日日腎上腺素爆燈、預咗業績差必被「風筒」侍候，所以無一刻鬆懈。
不過歲月如歌，呢位CEO都有退休嘅一日。蛇不能一日無頭，於是董事會就決定搵個繼任人，見到旁邊有間中小企搞得有聲有色，個阿頭做咗十幾年都唔走好似幾有料、又忠心，於是搵佢嚟幫手替前任CEO，仲挖埋人哋公司嗰位top sales過嚟幫幫手。點知呢位中小企top sales嚟到之後水土不服、表現大不如前；加上一眾舊員工因為跟得舊主太耐，腎上腺素太爆，見到有新官上任自自然然心情放鬆、當堂無王管，士氣唔夠以前咁強、啲top sales 又趁前CEO走咗玩個人主義，一時之間大家無哂方向、陀陀擰唔知自己想點，公司業績於是插水。
反而係另一間老行尊一直無咩生意，無咩資金俾個CEO，點知今年洗心革面，喺另一間跨國大公司挖咗個真正top sales嚟，於是同舊員工一拍即合，搞掂。小編截稿之時，佢嘅業績仍然係10年來最好。
無錯，筆者呢個企業故仔講咩，大家都應該好明白。不過呢個故仔背後，係想同大家講，唔可以怪哂莫耶斯，佢都係呢個歷史洪流的其中一個角色而已，大變之後一眾紅魔嘅心態、習慣唔同哂，亦對成績好有影響。「另一間公司」嘅CEO雲加都咁講：「我仍然唔會將曼聯排除在爭冠隊伍之外，佢哋仍然有機會，因為只係季初。輸俾拖肥確係令人好驚訝，不過依家講咩都係還為時尚早。呢場只係意外，唔好為佢哋擔心。落後12分？好閒，我見過，我哋試得多。」
所以呢一刻，筆者都唔太奢望啲咩，只係想易主之後心散嘅一眾紅魔快啲回魂，亦想同大家講唔好俾大多壓力莫帥。與其要向莫帥開火，不如諗諗，如果自己打咗20年工嘅公司換阿頭，你會唔會都係心不在焉嘅員工呢？
不過歲月如歌，呢位CEO都有退休嘅一日。蛇不能一日無頭，於是董事會就決定搵個繼任人，見到旁邊有間中小企搞得有聲有色，個阿頭做咗十幾年都唔走好似幾有料、又忠心，於是搵佢嚟幫手替前任CEO，仲挖埋人哋公司嗰位top sales過嚟幫幫手。點知呢位中小企top sales嚟到之後水土不服、表現大不如前；加上一眾舊員工因為跟得舊主太耐，腎上腺素太爆，見到有新官上任自自然然心情放鬆、當堂無王管，士氣唔夠以前咁強、啲top sales 又趁前CEO走咗玩個人主義，一時之間大家無哂方向、陀陀擰唔知自己想點，公司業績於是插水。
反而係另一間老行尊一直無咩生意，無咩資金俾個CEO，點知今年洗心革面，喺另一間跨國大公司挖咗個真正top sales嚟，於是同舊員工一拍即合，搞掂。小編截稿之時，佢嘅業績仍然係10年來最好。
無錯，筆者呢個企業故仔講咩，大家都應該好明白。不過呢個故仔背後，係想同大家講，唔可以怪哂莫耶斯，佢都係呢個歷史洪流的其中一個角色而已，大變之後一眾紅魔嘅心態、習慣唔同哂，亦對成績好有影響。「另一間公司」嘅CEO雲加都咁講：「我仍然唔會將曼聯排除在爭冠隊伍之外，佢哋仍然有機會，因為只係季初。輸俾拖肥確係令人好驚訝，不過依家講咩都係還為時尚早。呢場只係意外，唔好為佢哋擔心。落後12分？好閒，我見過，我哋試得多。」
所以呢一刻，筆者都唔太奢望啲咩，只係想易主之後心散嘅一眾紅魔快啲回魂，亦想同大家講唔好俾大多壓力莫帥。與其要向莫帥開火，不如諗諗，如果自己打咗20年工嘅公司換阿頭，你會唔會都係心不在焉嘅員工呢？
請按此登錄後留言。未成為會員? 立即註冊