傑斯今日40歲生日，恭喜哂佢先！所以，今日就等筆者帶一啲傑斯的過去俾大家知啦！
時間回溯到1988年，Granada Schools Cup 決賽，史丹福以3:2擊敗了布力般，而呢一場波大家焦點並不在結果，而在一位新星的身上：14歲的Ryan Wilson。佢無入波，不過佢嘅速度、走位，令對手防不勝防，最後助史丹福取得勝利。當日頒獎的利物浦首席球探Ron Yeats就話，如果有同事早啲見到呢位球員，一定會盡力簽低佢。不過…係唔係有啲奇怪？Ryan Wilson？我哋唔係講緊傑斯咩？無錯，佢就係傑斯！因為當時佢仲係跟爸爸嘅名，所以叫Wilson。而Giggs，其實係佢媽媽娘家嘅姓。所以，呢位新星其實就係傑斯喇。http://www.youtube.com/watch?v=5ofa78rqIuQ
佢亦同大家分享咗佢嘅第一個黃金十年嘅一件趣事。當時佢要同大阿哥舒米高一齊去到Cliff training ground 訓練，而傑斯的一個重要工作竟然係…泵波！更可怕嘅係，當時佢泵完波就會同舒米高一齊訓射門，如果啲波泵得唔好，喺地下彈唔起、無氣，舒米高就會大叫：「邊個泵呢啲波架？？」然後就會將啲波大腳踢去訓練場後面條河到。然後？然後傑斯當然就要去執返佢哋啦！而呢一堂亦教識咗傑斯「工欲善其事，必先利其器」，一個泵好嘅波對比賽、對訓練都係好重要架！
對於今日呢個大日子，傑斯就咁講：「今日係一個好有紀念性嘅生日，不過唔會有好瘋狂嘅慶祝，因為我一向都係向前看嘅人。好似依家咁，我唔會只記住以前我嘅球員生涯，我都好享受我教波嘅工作。」
不過點都好啦，對於呢位歐洲足球多項紀錄保持者，我哋一齊同佢講句生日快樂啦！
曼德拉面前，傑斯都變成小粉絲~
呢個係1998年，一間酒店興建時的一張「扮床」！
生日快樂！
(圖片來源：dailymail)
時間回溯到1988年，Granada Schools Cup 決賽，史丹福以3:2擊敗了布力般，而呢一場波大家焦點並不在結果，而在一位新星的身上：14歲的Ryan Wilson。佢無入波，不過佢嘅速度、走位，令對手防不勝防，最後助史丹福取得勝利。當日頒獎的利物浦首席球探Ron Yeats就話，如果有同事早啲見到呢位球員，一定會盡力簽低佢。不過…係唔係有啲奇怪？Ryan Wilson？我哋唔係講緊傑斯咩？無錯，佢就係傑斯！因為當時佢仲係跟爸爸嘅名，所以叫Wilson。而Giggs，其實係佢媽媽娘家嘅姓。所以，呢位新星其實就係傑斯喇。http://www.youtube.com/watch?v=5ofa78rqIuQ
佢亦同大家分享咗佢嘅第一個黃金十年嘅一件趣事。當時佢要同大阿哥舒米高一齊去到Cliff training ground 訓練，而傑斯的一個重要工作竟然係…泵波！更可怕嘅係，當時佢泵完波就會同舒米高一齊訓射門，如果啲波泵得唔好，喺地下彈唔起、無氣，舒米高就會大叫：「邊個泵呢啲波架？？」然後就會將啲波大腳踢去訓練場後面條河到。然後？然後傑斯當然就要去執返佢哋啦！而呢一堂亦教識咗傑斯「工欲善其事，必先利其器」，一個泵好嘅波對比賽、對訓練都係好重要架！
對於今日呢個大日子，傑斯就咁講：「今日係一個好有紀念性嘅生日，不過唔會有好瘋狂嘅慶祝，因為我一向都係向前看嘅人。好似依家咁，我唔會只記住以前我嘅球員生涯，我都好享受我教波嘅工作。」
不過點都好啦，對於呢位歐洲足球多項紀錄保持者，我哋一齊同佢講句生日快樂啦！
曼德拉面前，傑斯都變成小粉絲~
呢個係1998年，一間酒店興建時的一張「扮床」！
生日快樂！
(圖片來源：dailymail)
請按此登錄後留言。未成為會員? 立即註冊