雲佩斯：無同莫耶斯不和 同朗尼亦合作得嚟 精選

此前有好多英媒體多次報道雲佩斯同莫耶斯發生爭吵、二人互相不滿對方，仲有報導寫兩大紅魔射手雲佩斯同魯尼為爭第一射手位置，而互存芥蒂。對此，雲佩斯對此一一否認，佢表示自己和主帥莫耶斯以及朗尼關係非常好，現在嘅曼聯亦開始走出季初低迷。

其實就傳媒報導，莫耶斯前日已經公開對記者表示同雲佩斯當中沒有矛盾，而今天就輪到雲佩斯出聲，正式對呢啲傳聞作出譴責，「我在曼聯好開心，而且對主教練以及所有教練組成員都好滿意。我之前未能出場比賽，係因為有傷，不過現在已經好好多喇。過去兩星期入面，傷病令我好痛苦。」

除了雲佩斯同莫耶斯關係外，亦有人傳佢同朗尼之間關係，因為上季雲佩斯加盟，令費SIR要將朗尼打後一格，令朗尼對此好唔開心，更因未能踢中鋒而數次向費SIR提出轉會。雲佩斯對此表明自己同魯尼冇任何矛盾，兼且大家作為世界級前鋒，對足球都有著共同理解，「朗尼係一名偉大球員，由我睇嚟，優秀球員總係可以好好相處。我諗晌對史篤城一役就證明咗呢一點。上季我們亦證明咗我哋可以和睦相處，所以直到今季依家仍然一樣，希望剩下時間大家都係這樣，因為大家都想對方成為自己拍擋。」

雲佩斯晌對史篤城一戰後，亦公開大讚小豆同贊奴沙，表明前者係偉大球員，訓練非常刻苦，自己亦係小豆粉絲，他是一位不可被人忘記的球員，球隊前線好需要他。至於贊奴沙，雲佩斯表示贊奴沙晌佢見過咁多個年青球員當中數一數二，佢將為曼聯奉獻更多入球同精彩比賽，而且佢踢起嚟有自信，並冇俾外界壓力而影響。