莫帥睇英乙比賽搵新星? 一月外借沙夏、艾殊利楊格? 精選

據英國《每日郵報》報導，曼聯主帥莫耶斯晌今周國際賽時間，現場觀看咗費列活特同哈爾斯菲爾德嘅英乙聯賽，並且盛傳重點留意費列活特中場謝夫曉士 (Jeff Hughes) 同後衛尼敦龐特(Nathan Pond)。

報導就表示，由於曼聯確定會晌冬季花費巨資引進外援，所以莫耶斯好希望通過現場觀賽，嚟來考察球員嘅實力。報導更表示莫耶斯一向好擅長搵平價而有實力嘅球員，晌佢執教愛華頓嘅時候，積基卡、侯活同卡希爾都是佢以低價買入，但發揮上乘嘅表表者，所以今次特意去睇比賽，相信想好似當時喺愛華頓咁，搵新人加盟曼聯，而焦點就盛傳係謝夫曉士同尼敦龐特。，

之不過有外界表示，曼聯目標應該係買星級球星，雖然呢兩位仁兄平好多，之不過球迷可能對莫帥引人呢幾名球員，難以取得信心，再加上球迷會認為曼聯隊中已有好多年輕球員，所以暫時唔應該重點放晌年青球員身上。
至於其他消息方面，《人物報》就指出保頓有意借入韋費特沙夏，韋費特沙夏今季一直晌曼聯都無得出，佢自己就連u21國家隊位置都要退至後備，所以今季晌英冠開局唔好嘅保頓，希望借入沙夏救球隊。而對於沙夏嚟講，呢個亦係一個好機會，事關佢極需要比賽嚟保持狀態。

另外，《人物報》亦指出，曼聯正考慮晌一月將2011年以1700萬鎊從維拉加盟嘅艾殊利楊格外借，以令佢重拾比賽狀態。其實楊格一加盟時第一季表示幾好，之不過晌2012歐國盃後就表現下滑，而今年楊格表現無起色，更因插水而成為輿論詬病，所以佢晌曼市打吡一戰上陣後，就無再為曼聯上陣，報導表示莫耶斯認為明年一月將楊格外租，一來可以令他重回正軌，二來亦有助佢參加明夏巴西世界盃。