小豆：想有更多上陣時間! 精選

朗尼今夏一事暫時總算解決，但另一問題再度引起，事關根據英國《每日鏡報》表示，一直深受球迷愛戴、而加盟後一直交出表現嘅「小豆」查維亞靴南迪斯，藉傳媒表示自己想有多啲上陣時間!

小豆晌曼聯今季11場比賽入面，正選機會只得兩場，雖然小豆加盟後一直感覺係擔當「後備殺手」角色，而佢亦交足功課，表現得到一眾球迷支持。據英國《每日鏡報》表示，小豆暗示如果佢要多啲出場機會，又或者要成為常任正選，佢需要轉會，「我正為自己獲得更多正選機會而努力，正選係我嘅目標，我知道要有更好場上表現，才讓我達標，無論晌曼聯定係係其他球會。不過我真係需要更多機會展示我嘅能力。」

不過佢亦表明自己晌曼聯踢得好開心，「我晌曼聯效力4年， 一直以嚟我都話好開心可以晌世上其中一間最佳球會效力，我每一日都竭盡所能做到曼好，務求得到更多上陣時間，我需要更多機會去表現自己的貢獻，因為每一個人都希望晌球隊贏得錦標時，證明出自己有份作出貢獻。」
現時曼聯前鋒上，當然以朗尼同雲佩斯作為首選，無疑影響小豆上陣機會，但小豆竟表示呢一種係良性競爭，可以幫助球員成長，「晌球會內有良性競爭，係一件好事，我認為此舉幫助到球隊好多，事關咁多位有質素球員在陣，大家都想取得正選，令大家晌訓練同練習賽時都會好認真，交出好表現，此舉對個人同球隊嚟講，都有正面影響。」