西媒：做不成魔帥 摩連奴曾痛哭！ 精選

在重返車路士執教之後，摩連奴曾經講過佢從來無諗過要成為魔帥、接爵爺的手。不過，西班牙著名記者迪亞高托利斯在新書入面披露，摩連奴曾一度堅信曼聯帥位非佢莫屬，而莫耶斯的半路殺出，令摩連奴非常痛苦同震驚，甚至流下男兒淚！
唔好喊，乖...
迪亞高托利斯的書入面提到，摩連奴同爵爺亦師亦友，而且佢嘅經理人文迪斯(jorge Mendes)同爵爺亦好好朋友(呢位人兄仲係c朗嘅經理人)好多好多嘅跡象都顯示下任曼聯的領隊人選好大可能係摩連奴。而深深地相信自己一定可以成魔的摩連奴其實受咗好大打擊。迪亞高托利斯咁講：「文迪斯一直同摩連奴講，爵爺一定揀佢做新魔帥，叫佢唔好擔心。作為爵爺的好朋友，文迪斯認為摩帥機會好大，而且佢戰績彪炳，2個歐聯冠軍、7個聯賽冠軍、4個杯賽冠軍，曼聯實在無其他更好嘅人選。就係咁，文迪斯俾咗假希望摩連奴。」
中間的就是文迪斯
「爵爺宣佈莫耶斯繼任之後，佢忍唔住狂打電話俾Gestifute嘅中介人(Gestifute係文迪斯開嘅經紀公司)，電話入面狂人泣不成聲，講句說話都不成文句。佢公司入面最可怕的人喺呢一刻崩潰咗…在知道自己無機會執教曼聯後，摩連奴的情緒去到最低點，在之後的數十個小時裡，摩連奴都好唔開心，覺又瞓唔著，成晚將手機放在自己的額頭上面(?!?!)。」
做咩唔揀我！你估我唔想咩？

究竟係咩令曼聯唔揀摩連奴？有人話係因為卜比查爾頓等等高層唔知摩帥的嚇人style會對曼聯有咩影響，好驚有動盪；而迪亞高托利斯就話狂人認為自己在皇馬得唔到球員的尊重、大家都「反摩連奴」嚇怕咗曼聯的高層。不過點都好啦，結果就係依家由莫耶斯接掌紅魔，摩連奴你的眼淚恐怕會白流喇…點解我要坐喺呢到........