碧咸：唔知romeo幾時鐘意咗阿仙奴 精選

正所謂「仔大仔世界」，呢句說話用晌碧咸身上就無錯喇? 點解，因為日前碧咸10歲大嘅次子羅密歐就已經簽約阿仙奴，就連碧咸都話唔知佢幾時鐘意咗阿仙奴…

據《每日星報》披露，碧咸第二個仔羅密歐並冇同佢爸爸碧咸以及兄弟一樣支持曼聯，而睇中咗阿仙奴，兩周前羅密歐仲同爸爸觀看咗阿仙奴對熱刺嘅北倫敦打比戰，仲好興奮晌自己嘅Instagram上表示：「我終有一日要晌阿仙奴一隊踢波！」

碧咸幾個仔一直受爸爸影響下，早就被培養足球意識，對足球有興趣都唔出奇，無論碧咸晌美職洛杉磯銀河定法甲巴黎聖日耳門踢波好，碧咸總係帶著佢3個兒子一齊，佢哋仲成日入場支持碧咸，又或者晌爸爸訓練時一齊晌場上。值得一提係，其實碧咸對紅魔好有情意結，繼幾個月被人影到佢入曼聯megastore買嘢為證外，其實佢亦一早培養3個兒子成為曼聯球迷，但就係唔知點解成功感染到大仔布魯克林同三仔告魯斯，偏偏第二仔羅密歐就唔show佢，卻喜歡咗曼聯敵人阿仙奴。

碧咸就講喇，「我有兩個仔都係支持曼聯，另一個就支持阿仙奴。我有一次帶佢去睇阿仙奴比賽，領隊雲加仲對佢好好，俾咗佢一件背部印有佢嗰名字嘅球衣。”

唔知羅密歐係唔係碧凌曾晌阿仙奴跟操一日咁多，就喜歡咗兵工廠?

羅密歐細個曾穿上曼聯波衫...