雲佩斯懷疑莫耶斯能力? 精選

真係一波未平，一波又起，呢頭轉會窗一事，被外界批評曼聯攪到一團糟嘅時候，嗰邊相英國《每日星報》又披露，莫耶斯晌訓練場以至場邊指揮嘅能力，開始令頭號前鋒雲佩斯擔心，以至未能令呢位荷蘭鋒將心悅誠服，感覺莫耶斯冇能力接任費SIR班。

晌贏少輸多嘅一系列熱身賽後，莫耶斯帶隊先晌社區盾同首輪聯賽以2:0同4:1輕取韋根同埋史雲斯，一度平息外界對呢位費SIR接班人嘅懷疑，但之後對車路士同埋利物浦一戰中，曼聯錄得一和一負，而雲佩斯晌前線上兩場都無波入。
連續兩場都無波入...
而英國《每日星報》就披露，雲佩斯已經告訴佢嘅朋友，他依家非常懷念費SIR，而爵爺亦係佢一年前離開阿仙奴加盟曼聯嘅最大原因。該報仲披露，雲佩斯對莫耶斯嘅訓練方法亦產生懷疑。據悉，莫耶斯依家已經放低手頭上工作同雲佩斯溝通，希望呢名前鋒能夠相信佢就係曼聯主帥嘅最佳人選。而報導又指出，雲佩斯嘅唔開心，已經直接反映晌上周末「雙紅會」上，而那日嘅表現，儼如昔日壞小子雲佩斯一樣，出現無謂嘅犯規領黃，仲同利物浦隊長謝拉特、艾加對峙並且爭吵。

根據報導，依家就係雲佩斯朋友所講，「只要佢唔開心，佢就會晌場上表現出來，當佢唔開心，就會做一啲愚蠢嘅事，你睇到佢晌對利物浦時嘅表現就知。佢覺得教練換了後，一切都唔同，佢懷念同費SIR合作嘅日子，佢真係好享受喺費SIR麾下踢波，亦唔喜歡莫耶斯一些訓練方法。」
5位近期晌曼聯都唔如意...
懷念費SIR...