「曼車大戰」出朗尼? 傳媒睇好韋碧克搶得正選!

曼聯專區 於 24/08/2013 發表 收藏文章
摩連奴早前表明因道德問題,佢係唔會晌「曼車大戰」前都唔會對朗尼作出斟介,之不過英國媒體透露車路士好有可能晌賽後再次報價4000萬英鎊買朗尼,當然,對於呢件事,記者就一定會追問曼聯領隊莫耶斯,佢就再一次堅稱朗尼係非賣品,同時仲話「曼車大戰」好有機會派朗尼正選上陣。

之不過外國傳媒就覺得呢個機會唔大,因為朗尼本身因傷而錯過今夏所有熱身賽,唔夠足夠時間俾佢尋找比賽狀態,再加上上輪韋碧克表現好,外界預計朗尼佢正選機會唔大。但如果考慮到今夏因朗尼轉會問題,令車路士和曼聯經常扯上關係,莫耶斯好可能為咗證明無心賣朗尼而晌呢場大戰俾機會佢上陣,到時朗尼真係亮相嘅話,都一定成為場上焦點。
出韋碧克?

其後就同大家總結一下曼聯依家情況,目前球隊有好幾名傷兵,包括拉菲爾、蘭尼、艾殊利楊格同查維亞靴南迪斯,但有幾位好快就會復出,而莫耶斯亦強調曼聯有足夠能力應付:「拉斐爾晌社區盾賽事受傷,佢仲要缺陣多3至4星期。至於蘭尼、小豆同艾殊利楊格依家康復當中,即將傷癒,雖然佢哋冇經過賽季前訓練營,又或者因打完國際賽而遲了歸隊,希望佢哋快啲重拾狀態,再次上陣。球隊現時有強大陣容,即使有出現傷病問題,陣容上都可以應付,所以依家就需面對讓佢哋盡快找回狀態嘅問題。」

對於重返英超嘅摩連奴,莫耶斯亦表明歡迎態度:「我真的好鐘意摩連奴,佢取得好大成功,我已經好耐無見過佢,因此我好期待見面一刻。我轉教來曼聯就係為咗出戰呢種級別嘅比賽,當然亦都係為了奪冠,我好明白曼聯如果想衛冕,就必須要擊敗像車路士和曼城呢啲爭標球隊,我好期待呢場波,呢場將會係一場美妙嘅主場賽事。」
標籤: 曼聯  朗尼  車路士  韋碧克  摩連奴  

留言


請按此登錄後留言。未成為會員? 立即註冊
快捷鍵:←
快捷鍵:→