又嚇你一驚 ESPN確認曼聯提出朗尼換馬達 精選

莫耶斯在轉會市場諸事不順，又面對朗尼求走的重大問題，ESPN就指紅魔會方都唔想朗尼繼續唔開心，已經私底下向車仔提出非官方建議，以朗尼換取馬達加盟。而呢件事，ESPN在兩個球會的消息渠道中都得到證實。

呢件事的個個關鍵人物，朗尼同馬達在會方的口徑中都屬於「非賣品」，如朗尼就係曼聯最強大的兩位前線人物之一；而馬達就係車仔新三叉戟的重要一員。不過雖然如此，外間都認為馬達於車仔並非如此「重要」，因為摩連奴認為隊中有人可以代替呢位西班牙中場。無咗佢對車仔當然有影響，不過可以換得朗尼加強前線的攻擊力，聽聞摩帥確有心動之意。而車仔轉而投向買入安捷中場韋利安的大戰，亦顯示出車路士可能在尋找馬達成魔之後的替補。
朗尼：你有咩勁過我先？馬達：我瘦過你囉！
在朗尼已經不常在最前線爭逐的日子，佢已經猶如一個攻擊中場，位置同馬達有不少重疊之處；加上馬達在中場上可以勝任的位置不比朗尼少，打翼佢都有自己嘅心得，筆者自己就覺得呢個交易都無咩壞處。一個球員唔開心，其實水準一定會受影響，如果朗尼真係唔高興，與其硬要留佢在隊，不如換個新血，俾啲新衝擊球隊。不過前提係，朗尼真係想走啦！(雖然明眼人都見得到…)
我唔聽！我唔知！我唔知去唔去曼聯好？