費SIR唔想干擾莫耶斯 OFFICE遠離奧脫福

費SIR今夏退位，欽點由莫耶斯接班。雖然佢係退休，但佢並無徹底離開曼聯，並出任球隊大使。工作雖然好鬼清閑，但畢竟都係有職責晌身，點都要有個地方辦公嘅，為了對這位曼聯新帥盡量唔做成干擾，費SIR已決定唔打算晌奧脫福或者卡寧頓基地設立OFFICE，而是晌愛子位於柴郡嘅寓所內辦公。

自從離開曼聯帥位之後，費SIR簡直就係非常清閒，他舉家去蘇格蘭，並觀看賽馬溫網等賽事。費SIR唔希望莫耶斯活晌自己陰影之下，因此選擇盡量遠離曼聯，少俾莫耶斯增添壓力。

費SIR選擇晌最近動臀部手術，這樣一嚟，佢就唔會去奧脫福觀想球隊新賽季嘅聯賽賽事。曼聯晌聯賽前幾輪接連遭遇強敵，費SIR唔去觀戰呢個舉動，好明顯就係要令莫耶斯全情投入，少受干擾。《每日鏡報》今日就指出，晌曼聯仍有職務嘅費SIR，唔想背負「垂簾聽政」嘅罪名，亦;都唔想因為佢令莫耶斯工作做得唔好，從而令佢要復出，因此打算晌兒子位於柴郡嘅寓所內辦公。當然，如果莫耶斯遇到難題要向佢尋求幫助，費SIR自不然會幫手。