藍撞紅 百事曼聯簽合同 (附咸爺經典牛仔百事廣告)

好鍾意搵球星幫手做代言嘅百事可樂，終於都搵咗一隊波做佢哋亞洲的官方代言喇！不過佢哋無搵藍色嘅球隊，反而搵咗紅色嘅曼聯噃！

曼聯官網已經宣布，佢哋已經同百事在亞太區簽下了一份地區贊助合同，雖無公布具體的贊助金額，不過就知道喺泰國、馬來西亞、新加坡、緬甸、柬埔寨、老撾、文萊呢7個地方，百事都會成為曼聯的官方飲料。而合作模式，就係呢啲地區嘅百事都可以使上使用曼聯品牌嚟吸客。曼聯在以上7個國家一共擁有3800萬球迷，個市場一啲都唔細架。

曼聯商業經理阿諾德對呢個商業合作就咁講：「曼聯、百事都係頂級品牌，我哋好高興能夠與百事合作，成為我哋亞洲區的官方飲料。雙方都好受歡迎，我知道我哋嘅合作一定有好好嘅協同效應。百事非常理解紅魔球迷想要咩，所以與百事的合作會對佢哋好有利。對於曼聯來說，百事是一個理想的合作伙伴，因為佢哋對體育有獨一無二的理解同市場創意，非常歡迎佢哋成為紅魔的贊助商之一。」

商業嘢筆者就真係唔多識，就係知曼聯的贊助商越來越多，已經有35個喇！最好就因為咁多啲錢買人啦，到依家都零加盟真係好令人氣結架…
講出名，都不得不提佢哋同百事嘅合作！
https://www.youtube.com/watch?v=Z7ELs6qE_8Y