皇馬急求巴爾原因：C.朗要走！ 精選

其他人講可能唔多可信，不過由皇馬前主席卡達朗講出口，話皇馬咁心急要巴爾原因係c朗，點都要信幾成啦！

佢咁講：「我認為現主席佩雷斯咁急要將巴爾帶嚟皇馬，好大程度係因為佢無辦法說服c朗續約。佢應該係好驚c朗會走，咁對皇馬而言係一大的戰力損失。其實呢個已經係公開嘅秘密，c朗對於佩雷斯嘅態度同作風好唔認同，所以傾續約時先有咁大嘅困難。更嚴重嘅係，c朗希望要年薪2000萬歐羅，不過皇馬成隊都係得4000萬用作出糧之用，咁嘅要求真係好難搞。」
c朗：佩雷斯，我唔要跟你喇！
對於熱刺，佢表示好明白：「熱刺一定係好嬲啦一開始，人哋買你張皇牌噃，好難唔氣憤。不過巴爾自己都講到明想走，咁就唔到你唔接受。不過個交易成功其實都係一個雙贏局面嚟嘅，因為皇馬會有一名大將；熱刺都會有一筆好大嘅資金。真係好大筆，成億去買一個球員一定會令球壇好多聲音出現。不過都有前科，8000萬買c朗都得嘅時候，1億買巴爾都唔係咩奇事。個人睇法啦，巴爾今夏會上艦成功嘅！雙贏，大家都好。」

筆者就認為，呢個唔係雙贏，係三贏！因為照卡達朗所講，當巴爾真係去皇馬c朗就由非賣品變成靚貨；而喺用咗成億嘅情況之下皇馬都會盡快賣走c朗套現。而接手人係邊一隊…唔駛筆者講啦！ 俾你架！
咁吸引嘅...