法比仔轉會風雲：今日曼聯佔優 精選

日日都有法比仔轉會的消息，大家應該都悶悶哋…不過悶還悶，好消息都係不妨睇睇嘅！今日報章都報導，曼聯與巴塞的角力仍然繼續，不過當事人法比加斯好似有啲心郁郁噃！

太陽報就保守啲，講到法比加斯有啲擔心自己在巴塞的前途，希望可以得到新帥馬天奴的認同，一旦得唔到確切的回應就會決心離開。而郵報就大膽啲，講到法比仔同英國的朋友講，佢想加盟曼聯！而正正就係因為呢個消息，莫耶斯先咁全力以赴。而消息話，曼聯對法比仔的承諾對件事好有幫助，因為紅魔會俾絕對正選佢。而實際上，曼聯陣中亦真係無邊個強得過法比仔，就算無承諾佢都唔擔心爭唔到正選。而且舊隊友雲佩斯的推波助瀾亦是好大的誘因。當然啦，只係攞過FA Cup同慈善盾嘅法比仔，其實都好想可以攞到英超，以慰咁多年無冠的心傷。
雲加：你兩隻嘢去哂曼聯，咁...不如我都去埋？
同時，其他消息亦包括艾簡達拿話曼聯從來都無接觸過佢，所有的轉會傳聞都係大話：即係佢老逗兩日前話，曼聯曾經好近好近、非常接受簽下艾簡達拿都係大話。你兩父子點內訌外人不得而知，筆者依家只係想以平常心等法比仔轉會風雲的下一幕係點…
法比仔同朗尼真係霸哂曼聯啲新聞...