莫耶斯：第一戰輸波又如何? 精選

莫耶斯同費SIR上年出戰熱身賽一樣，第一場都係以輸波結束，之不過賽後莫耶斯好坦白承認球隊表現尚可，但他亦表明今場只係熱身賽，亦係今季第一場波，如果係正式賽事，佢絕對唔會俾很多後備球員正選上陣。

莫耶斯被問到輸波一事時表示：「如果我要輸掉一啲比賽，我好高興輸掉呢場波，畢竟呢場只係季前熱身賽。我哋晌最後時刻錯過兩次入球機會，本來或許呢兩球波可以令我們贏得比賽，但更為最重要係令一啲球員踢足90分鐘。這是一次好好嘅身體鍛煉，畢竟呢到天氣太熱，所以我對球隊表現都算滿意。整體嚟講，我認為球員體能鍛煉得唔錯，呢個亦係我比較重視嘅方面。」

而今場波曼聯有兩位小將表現搶眼，佢就係出任右翼嘅贊奴祖同埋韋費得沙夏。莫帥對佢兩人表現都好滿意：「我認為贊奴祖發揮唔錯，對球隊帶嚟正能量，佢係球隊今場波嘅最大收獲。如果當你俾機會年輕球員上陣時，他能好好把握而交出好表現，當然係好事，而呢個就係我今日對佢嘅印象。如果他日後表現好似今日呢場波咁，怇將會獲得更多上陣機會。」

至於沙夏，佢就話喇，「沙夏亦都打得很好，佢入場後為球隊帶來一啲改變。球隊今場波缺少前鋒，朗尼受傷，雲佩斯要晌澳洲先同球隊會合，而小豆又唔在陣，令球隊今晚只有韋碧克一個前鋒可用，沙夏入場為我哋帶嚟新血，佢未能取得入球，確實係好可惜，我好清楚今場波佢踢出咩表現，我好肯定佢將會係球隊一部分，日後就睇下安排佢晌什麼位置上面。」

上半場左後衛畢特拿因傷被換走，莫耶斯表示佢問題唔大：「佢只係感覺腳筋有啲緊，因此我哋唔想冒任何風險，我們盡可能快啲將佢換離場。」

最後，記者問到莫耶斯第一次帶領曼聯比賽感覺如何，莫耶斯就話：「我晌教練席上好輕鬆。教練團上下都好期待第一場比賽，呢到有好多球迷，好多泰國人都係曼聯球迷，所以感覺真係好好。只是球隊表現可能令佢哋有啲失望，但呢場都係新賽季第一場比賽罷了。」

另外，據英國《太陽報》報導，曼聯已知會莫耶斯今夏買兵費用不設上限，只要佢有「心頭好」，再高嘅價錢曼聯亦願意俾錢，而莫帥亦表明球隊正嘗試鞏固隊中幾個位置，當中中場人才短缺，加上曼聯亦是一間趨向投資晌年輕球員身上的球會，所以球隊晌簽人方面嘅方鋒正係尋找一啲晌呢年齡組別嘅球員。」
中場位置上真係需要加強...
至於噚日場波亦出現了小插面，呢個就係....MUTV官方頻道介紹約基時，竟然TITLE上打了曼聯領隊約基...