加利仔：開季唔可以俾車仔放甩!!! 精選

曼聯到現時為止都只係華利拿一個新兵，比起其他列強，球迷都真係等到非常心急，事關大家都係擔心球隊實力今夏有無得提升，嚟緊球季夠唔夠對手打...擔心曼聯前程又點止球迷? 日前就連前曼聯隊長加利仔都公開講講曼聯衛冕之路，仲表明曼聯最大對手係車路士，開季一定唔可以俾車路士放甩!!!

當時摩連奴帶領嘅車路士，連續奪冠兩年，而晌嗰兩年，曼聯都係一開局就落後，之後就俾人越放越遠，兩個賽季最終分別落後藍軍18分同8分。輸掉18分嗰一個摩帥處子季，首輪佢就先俾費SIR一個下馬威，1-0絕殺曼聯。而今季情況感覺就有啲相似，曼聯晌新賽季第二場比賽就要惡鬥車路士，呢一場波就連加利仔都特別提出，表明呢場係一場極為特別嘅心理戰。曼聯一旦輸波，極有可能重蹈當年覆轍，被打出勝利節奏嘅車路士放甩。
摩帥表現令加利仔印象深刻...
「過去幾年同摩連奴交手嘅經驗所知，一定唔可以俾佢帶領嘅車路士晌開局領放得太多，咁樣嘅話球迷形勢就會變得好被動，只要大家之間差距唔大，聯賽競爭機會盲會非常激烈，事關咁樣雙方都有壓力，咁邊隊波都有奪冠嘅機會。其實對車路士嚟講都係一樣，仍哋都唔希望被曼聯呢啲強球隊拋離。」
加利仔：唔可以一開季俾人拋離呀，知唔知呀，紅魔兵!!!
加利仔及後仲大讚摩連奴，表明佢會令人想起費SIR：「費SIR以前總係俾人感覺可以令曼聯後上成功，同樣摩連奴都俾人呢一種感覺，哪怕你贏了佢幾多分，領先佢幾多分，都總能感覺到佢晌係不遠嘅地方，有佢晌到，始終俾到你巨大威脅同壓迫。」

加利仔以佢嘅經驗之談，同大家表明摩連奴嘅實力，大家又點睇佢呢一番話喇?
曼聯今季衛冕之路會如何?