莫耶斯嚟到曼聯後，就連佢晌愛華頓嘅教練班子都一同帶到去奧脫福，就連剛退役嘅菲臘尼維利亦進駐莫耶斯嘅教練團入面，當然傳會跟返莫耶斯嘅，又點止得菲臘仔，唔洗筆者多講都知係邊個，咪就係費蘭尼同埋拜恩斯! 英國《每日鏡報》就指出，莫耶斯挖角潮並未停止，佢準備以1400萬英鎊再次報價購入拜恩斯，而更爆出費sir早就想買佢返曼聯，只因為價錢太貴而卻步。
拜恩斯係近年英超首屈一指嘅左後衛，早晌一年前，費sir就有打過佢主意，而拜恩斯呢個名其實好早就同曼聯扯上關係，之不過當時愛華頓為拜恩斯標價1800萬英鎊，費sir覺得呢個定價太高，因此最終放棄咗呢個計劃。
如今莫耶斯接替費sir，曼聯無疑更希望簽入拜恩斯。大約兩周前，曼聯就為呢位左閘報價1200萬英鎊，但遭愛華頓一口拒絕。莫耶斯當然唔會就咁罷休，據報導指出，佢日前將出價提高200萬英鎊，以1400萬英鎊再次向愛華頓報價，下一步就係睇睇拖肥糖留住拜恩斯嘅決心，有無動搖。
依家拜恩斯已經跟咗愛華頓一同去到奧地利接受訓練，同行仲有費蘭尼，如果拜恩斯轉會，有機會幫助佢晌英格蘭國家隊爭正選一席，事關佢嘅位置一直都排晌A高爾之下，之不過一般人認為佢同A高實力上不相伯仲，而去季英超最佳陣容，拜恩斯就力壓A高同艾夫拿入選。之不過其實拜恩斯本人唔一定要走，佢唔介意留晌愛華頓，跟隨新帥馬天尼斯，在莫耶斯同馬天尼斯之間，佢仍未有明確嘅決定，咁就睇睇愛華頓點睇呢宗1400萬鎊交易喇，放? 定唔放呢?
跟馬天尼斯? 定跟莫耶斯?
拜恩斯係近年英超首屈一指嘅左後衛，早晌一年前，費sir就有打過佢主意，而拜恩斯呢個名其實好早就同曼聯扯上關係，之不過當時愛華頓為拜恩斯標價1800萬英鎊，費sir覺得呢個定價太高，因此最終放棄咗呢個計劃。
如今莫耶斯接替費sir，曼聯無疑更希望簽入拜恩斯。大約兩周前，曼聯就為呢位左閘報價1200萬英鎊，但遭愛華頓一口拒絕。莫耶斯當然唔會就咁罷休，據報導指出，佢日前將出價提高200萬英鎊，以1400萬英鎊再次向愛華頓報價，下一步就係睇睇拖肥糖留住拜恩斯嘅決心，有無動搖。
依家拜恩斯已經跟咗愛華頓一同去到奧地利接受訓練，同行仲有費蘭尼，如果拜恩斯轉會，有機會幫助佢晌英格蘭國家隊爭正選一席，事關佢嘅位置一直都排晌A高爾之下，之不過一般人認為佢同A高實力上不相伯仲，而去季英超最佳陣容，拜恩斯就力壓A高同艾夫拿入選。之不過其實拜恩斯本人唔一定要走，佢唔介意留晌愛華頓，跟隨新帥馬天尼斯，在莫耶斯同馬天尼斯之間，佢仍未有明確嘅決定，咁就睇睇愛華頓點睇呢宗1400萬鎊交易喇，放? 定唔放呢?
跟馬天尼斯? 定跟莫耶斯?
請按此登錄後留言。未成為會員? 立即註冊