奧雲：有邊到好得過曼聯？朗尼留隊啦！

奧雲雖然只係於2009-2012效力過曼聯，不過佢嘅心已經係永遠嘅紅魔鬼！繼里奧之後，奧雲都為朗尼的傳會傳聞開聲，異口同聲的話曼聯已經係世上最好！有必要走咩？

佢咁講：「我唔覺得今次係朗尼最後一次機會可以轉去其他大球會。正確啲嚟講，係無球會大得過曼聯！所以我覺得情況係佢未諗清楚，佢有無被人愛戴？有無被球會所需要？有無被讚揚？因為朗尼係一個對自己好有要求嘅人，佢想做top man，佢想做曼聯的神射手。不過因為雲佩斯的加盟，朗尼好似就入少咗波，對自己有懷疑、自己的信心有動搖，所以先有離開的諗法。

我個人睇法，佢為曼聯的入波數字穩定返，佢就會想留低了。最理想的情況係佢留隊，入波，感覺自己係曼聯的重心人物，咁就無問題。佢真係無理由離開曼聯呢隊咁好的球隊！希望莫耶斯可以說服佢啦！」

呢個入波=留隊的講法，同朗尼的唔開心可謂好合乎，正正因為打後咗一格，朗尼的入波數字開始下降，不過同時助攻次數仍然強大，顯示佢嘅能力用咗喺第二度。不過想入多啲波嘅朗尼，當然唔想轉位啦！而已經同返莫耶斯跟操嘅朗尼，唔知係唔係同莫帥傾掂數，來季會打多啲前鋒呢？我哋八月就會知道喇！