朗尼去向未明! 要走就自己提出轉會申請! 精選

噚日7月3日係曼聯球員歸隊訓練嘅第一日，好多人都預期季尾醞釀要離開曼聯嘅朗尼，會同新主帥莫耶斯攤牌，就連多份報章都表明朗尼會晌第一日同莫耶斯見面，又會晌會議中提出要費SIR道歉，仲影到佢哋一齊揸車返曼聯…之不過英國《郵報》今日就報導，呢對昔日愛華頓師徒晌周三並無詳談，只係簡單聊咗幾句就完，估計佢哋之間嘅攤牌會推遲去到周四，因為莫耶斯將會晌周五召開記者會。

噚日有消息傳出朗尼同莫耶斯見面完後，即刻揸車走咗，無參加訓練，令人懷疑雙方見面破裂，而《太陽報》更晌今日頭條到披露，曼聯唔會因為要挽留朗尼而向晌佢提供新合約，亦唔會答應朗尼就費SIR一事而道歉。一個曼聯內部人士就話：「今次同上次唔同，上次曼聯做出一切努力挽留佢，但今次再唔係朗尼嘅時間，許多人已經對佢失去耐性。」
感情不再!
《郵報》更指出，曼聯現在對朗尼嘅態度又複雜又能度企硬。首先，曼聯仍認為朗尼係非賣品，更加唔會將佢賣俾車路士同阿仙奴。而唯一讓曼聯改變態度，就係朗尼自己提出轉會申請。晌去季末，朗尼就向費SIR暗示過，轉會可能係他解決自己未來更好嘅辦法，但如果朗尼想走，佢就必須書面提出申請，這就意味著佢將會自動放棄剩下兩年合約同埋高達25萬鎊嘅周薪。
係想下一站去邊呀朗尼?
至於續約方面，《郵報》所報導就同《太陽報》唔同，雖然朗尼依家合約仲剩兩年，但曼聯唔急於同佢續約，準備計劃等到下季視朗尼表現而定。當然，莫耶斯同朗尼必須盡快澄清所有問題，畢竟下周曼聯就出發去夏季季前熱身賽，莫耶斯唔希望到時朗尼一事仲未解決。
就算你要走，曼聯都唔會將你賣俾英超球會!