Amigos！三個西班牙仔傾心事！ 精選

邊三個西班牙仔傾心事？就係華倫西亞、迪基亞同小豆囉！不過你可能會問，明明華倫西亞係厄瓜多爾人、小豆係墨西哥人，點解佢哋都係西班牙仔？講緊嘅係，西班牙話呀！厄瓜多爾、墨西哥都係用西班牙語做官方語言架！不過佢哋傾咗啲咩呢？

迪基亞：講華倫西亞先啦！佢上季開季其實打得幾好，不過佢傷咗…(對住華倫西亞)你傷咗呀，係唔係？我無記錯架！所以佢都離開賽場一段時間。出返嚟之後，就努力重拾狀態啦！

小豆：再上一季佢真係實至名歸，最佳球員一定係佢。不過今季佢有傷，球員有傷都要啲時間先可以重拾佳態，我哋知佢好快會變返我哋嘅重要隊員之一。呢個就係曼聯的優勢，每個人都有佢重要嘅任務要完成。佢真係好勤力！唔講佢住，我講下大衛(迪基亞)先！

迪基亞：你要識做呢！講啲好嘢！

小豆：我上次接受訪問都講過，我覺迪基亞係世界上最好的門將，因為我哋講緊嘅係發展同進步。以佢嘅年紀，好多球會都會驚，唔想俾咁重要嘅任務佢。不過我自己就認為，正正因為佢已經成為正選，場場有份打，佢就喺以戰養戰的情況之下成長唔少。佢真係打得好好，更加提名咗做英超最佳門將，所以我認為佢做得好好，多謝各位。
華倫西亞：佢真係無得彈！對曼聯而言，佢真係一個好重要的球員，我諗佢好快就可以成為狂牛的正選門將！佢國家隊個個隊友都想佢為西班牙把關，所以我哋同佢哋都好想見到迪基亞狀態爆燈！不過講到小豆喇wor，我真係無嘢好講喇…佢嚟到曼聯3季，不過佢為紅魔贏過幾多關鍵入波？單係今季，25次上陣15個入波，有無搞錯？仲有咩好講？得個讚字啦！

迪基亞：我覺得小豆的正能量更加令人敬佩！睇佢平時嘅態度就足以令你反省自己，因為佢係玩得盡、做嘢又搏命嘅人。而以前鋒而言，上陣同入球的比率一定係英超之冠。穩定嘅入波數字，令佢成為紅魔的重要一員。

小豆：總之同華倫西亞、迪基亞一齊合作就係好開心嘅事啦！平時一齊去玩、一齊用西班牙話吹水，都係好重要架！最重要嘅係，我哋英文都麻麻哋，一齊學、一齊練之後，我哋英文都ok咗，所以我哋呢幾個先咁好關係之嘛！