莫耶斯:留隊吧,朗尼! 來季戰術好啱你打!

曼聯專區 於 26/06/2013 發表 收藏文章
據英國《每日郵報》報道,剛剛休假結束嘅曼聯領隊莫耶斯,目前正準備同隊內前鋒朗尼進行會談。今次返到卡靈頓訓練基地,莫耶斯嘅首要任務就係要留住朗尼,以穩定軍心。而據莫耶斯自己講喇,朗尼係非常適合球隊下季嘅整體戰術,所以好希望朗尼可以留隊。

據悉曼聯將晌7月3日正式投入下季嘅季前備戰,之不過朗尼問題唔係多講大家都知,費sir去季尾話佢想離隊,直到依家傳媒又話要佢公開道歉、又話減薪留朗尼等等,一直都只係傳聞,而7月1日就係外界表示朗尼同新帥會面嘅時間,會面結果係點依家無人知,之不過如果佢同曼聯續約傾唔埋嘅話,曼聯今夏係賣佢走嘅好時機,趁市場仲有價時要賺返一筆。

但目前,包括阿仙奴、車路士、巴塞羅拿、皇家馬德里同PSG都對朗尼充滿興趣。其中有關朗尼同C朗互調傳聞仲傳得熱哄哄,更成為今夏轉會市場嘅最大看點。不過,莫耶斯表示,曼聯至今仍未收到呢啲豪門球隊嘅正式報價,而晌去季結束後,曼聯官方還發表過聲明,表明朗尼係非賣品。
事實上,曼聯真係無咩可能會賣佢走,一來新帥上任,穩定軍心最為重要,要晌今夏賣走自己隊中靈魂人物,對陣容唔多唔少都有大影響。另外,朗尼留隊與否,同莫耶斯戰術安排有好密切關係,曼聯新帥坦言,朗尼很適合球隊下季戰術,只要曼聯今夏成功買入艾簡達拿呢類型創造性中場,朗尼就可以推番上前打前鋒,而佢亦絕對係可以成為雲佩斯前線好拍擋,為佢分擔入波嘅負責任。
標籤: 朗尼  曼聯  

留言


請按此登錄後留言。未成為會員? 立即註冊
  • 亞蓋達 於 28/06/2013 評論 NO. 1

    好難怪班蛋散ga,佢地一向都係邊個有態就支持邊個,從來唔理做到野但唔突出ga球員。朗尼扭過計要加人工,今次佢地咪先入為主覺得係朗尼錯,加埋d傳媒日日係咁炒作。講真我覺得c朗賤過朗尼好多(唔好唔記得佢當年點走)而家先話愛曼聯,佢當曼聯咩呀,仲買佢返黎。

快捷鍵:←
快捷鍵:→