英國「我最不喜愛球隊」車仔、曼聯上榜 精選

日前有英國機構發起咗一項投票，睇下英超球迷鍾意邊隊多啲，而結果令人好出奇，最唔受歡迎的球隊竟然係車路士，曼聯就「屈居」其後！呢個投票有超過6000名球迷參與，其中只有41.6%的球迷表態鍾意車路士，而鍾意曼聯的球迷比例略高，不過都得42.%。利物浦就排尾四。而最鍾意呢？就係史雲斯，有60.6%；西布朗同諾域治都有好多人鍾意，排頭二三！
紅魔紅軍都唔係好多英超球迷鍾意...
有傳媒分析，之所以無咩人鍾意車路士同佢哋「惡行昭彰」有關。好似有泰利同高爾的「歧視門」；泰利的「勾二嫂」；夏薩特「踢球童」等等，都令人反感。而下季情況可能更差，因為出名咀賤的「狂人」摩連奴返到史丹福橋，勢必掀起更多人的「反車」情緒。
泰利、摩帥：我哋係唔係俾人誤解咗？？
當然啦，樹大招風都係其中一個原因，曼聯、車路士奪冠的次數同「被憎恨度」成正比，被人眼紅亦在情理之中。好似過去3年先後奪得足總杯、英超冠軍的曼城只排在「最令人憎恨球隊榜」的第9位，而多年無冠的阿仙奴更加「淪落」到第12，亦反映冠軍球隊令人討厭是常理之一。

不過點都好，筆者對於曼狗、4424等等名辭都已經習以為常，我自己都成日同朋友自嘲自己係49000。愛一隊球隊，就要愛埋佢嘅花名，係唔係？如果唔係，見人用一次呢啲字就嬲一次，咁真係好易中風架！