雲佩斯20幕最難忘的紅魔生涯

曼聯專區 於 22/06/2013 發表 收藏文章
近日尹佩斯就接受咗官方訪問,同大家分享佢加盟曼聯首年令佢最難忘嘅20幕經典場面,大家又估唔估到邊20場情景令佢咁有回憶呢…

1. 加盟曼聯
「呢一日係我最期待嘅一日,事關我將接受一項新挑戰! 」

2. 卡寧頓第一堂訓練
「第一堂我好記得自己因進行一連串體測而遲咗參與! 實在太希望快啲落場操練! 」

3. 為曼聯第一次落場—愛華頓 1-0 曼聯
「我晌70分鐘以後備身份落場,雖然最終曼聯都係輸波,但對於首次為紅魔上陣,我感到自豪。」

4. 首次晌奧脫福以曼聯球員身份亮場—曼聯 3-2 富咸
「呢次可以話係夢寐以求嘅開始,第一次晌奧脫福以曼聯球員身份亮場,並晌10分鐘就取得入球,更上陣全場90分鐘,之不過打咗一個鐘之後,我就已經好大掙扎。」

5. 首次連中三元—修咸頓 2-3 曼聯
「呢場波的確係一場好CRAZY嘅比賽,賽後我返到更衣室,我向隊友抱歉射失12碼,之不過呢場波係一場好有意義嘅勝仗。」

6. 「雙紅會」奠勝—利物浦 1-2 曼聯
「晌呢球波,我肯定自己可以射好球12碼,好開心可以射入奠勝一球,雖然我嗰日表現唔係咁好,但能夠擊敗利物浦,感覺好好。」

7. 歐聯戰入波—克盧日 1-2 曼聯
「第二球入波,朗尼交得俾我好靚,見到門將出迎,我只知要射過佢,最終球波準確地放到入網窩入面。」

8. 首次作客史丹福橋—車路士2-3曼聯
「作客車路士永遠都咁令人期待,特別係入到波之餘,球場又可作客贏波! 」

9. 倒戈阿仙奴
「嗰場波我應該可以入到兩球,我第一次對返前球會感覺入波係咁奇怪,但你必須有責任去咁做。」

10. 首次曼市打吡戰
「朗尼同我晌最後一球上相討過射好定傳中好,最終決定咗射,亦因為改變方向收死祖赫特,的確非常幸運。」

11. 足總盃第三圈—韋斯咸 2-2 曼聯
「臨尾入到波,令曼聯得以重賽。傑斯交球波的確好靚,我攞波第一下攞得好靚,最終一貫連成取得入球。」

12. 作客熱刺打成1-1平手
「嗰日我仲好記得下雪同好凍,我接應卡華利傳族後入波,之不過最終曼聯都係和波收場,呢個賽果對我至今仍好深刻。」

13. 主場2-0贏愛華頓
「我為曼聯射入第二球波,帶領紅魔贏2-0,總算為一眾隊友減壓,事關去屆球隊曾經晌主場同對手打成4-4平手。」

14. 作客班拿貝—皇馬 1-1曼聯
「足球壇上其中一個夢工場,嗰次亦係我首次踏足班拿貝,嗰場波我都好有機會贏波,自己亦有入球機會去奠勝。」

15. 歐聯出局—曼聯 1-2皇家馬德里
「蘭尼張紅牌太過HARSH,直到呢一刻都仍然有人支持呢個決定係錯嘅。」

16. 打破10場無波入入球荒—史篤城 0-2曼聯
「當我入波後隊友們都同我慶祝,就連費SIR當時都同我開玩笑支持我!」

17. 為熱刺贏曼城而開心
「對於熱刺3-1擊敗曼城,我感到好開心! 好難估計一個前阿仙奴球員會支持熱刺呢? 但球隊上下都知,熱刺贏波令我哋奪冠越嚟越近。」

18. 對維拉連中三元—曼聯 3-0 阿士東維拉
「嗰一日無論任何嘢都係美好,包括足球以及一切控球都好好。」

19. 巡遊時刻
「嗰一刻係為球迷、球員同一班教職員! 我最開心莫過於令人開心,當日不單止小朋友及大人,都好開心。」

20. 取得球迷最佳球員獎
「贏得呢個獎感到好特別! 好榮幸可以同一眾隊友合作,對我產生好大影響。」

標籤: 尹佩斯  曼聯  

留言


請按此登錄後留言。未成為會員? 立即註冊
    快捷鍵:←
    快捷鍵:→