英超新球季賽程公佈 曼聯一開局就要過五關斬六將 精選

英超賽會晌噚日公佈咗2013/14年球季賽程，首周賽事將於8月17日展開，之不過有睇過曼聯賽程嘅球迷，就真係睇到心有啲寒寒地，事關曼聯第二輪就已經對車路士，其後首5戰內仲要上演埋「雙紅會」以及「曼市打吡」添!

先講講英超賽程制定比較複雜，首先制定時要避開FIFA比賽日、歐洲賽事比賽日以及國家隊比賽日期；之後又要將同城對手分開，因為兩隊同一個城嘅球隊係唔可以同時打主場；之後就到當地警方加入，他們可以要求球會改變開波時間，甚至比賽日期，避免同其他非足球比賽嘅大型賽事相遇，例如節日、政治會議，甚至一啲大型展覽等；其後周中比賽日程亦都會確定，以備不時之需，例如天氣。此外，任何球隊都可以提出自己嘅要求，每支球隊亦唔可以出現連續3輪作客嘅情況，同樣球隊5場比賽入面亦都唔可以多於3次主場或作客，即係如果快車期第一場主場出賽，咁元旦當日就要作客 (事關開快車時期中間有2場比賽)。
原來編賽程咁有難度!
嘩! 唔講唔知原來賽程咁難訂，之不過球迷關心嘅當然唔係過程，係結果喇! 依家就同大家講講曼聯嘅賽程，第一輪新帥莫耶斯率領的曼聯，先作客去屆聯賽盃冠軍史雲斯，其實已經唔易打，之後就要晌主場對車路士，第三輪「雙紅會」上場，作客利物浦，去到第四輪休息一下後，第五輪又要打「曼市打吡」作客曼城，對莫耶斯嚟講，都可以話係下下籤!
we believe u, Moyes!
咁睇法，頭場贏波對曼聯嚟講非常重要，事關車路士首場只係對升班馬侯城，加上有摩連奴回歸，有林柏帶領下，球隊應該好快適應到摩帥戰術，就算表現唔太好或未適應，但因同對手實力有距離，如無意外可贏波，更令隊波加強信心迎戰曼聯，如果曼聯稍一差池，頭場失分，必成傳媒焦點，而晌新帥帶領下，戰術又可能未發揮得好，好大機會影響球員迎戰車仔嘅信心，再失分踲話，對利物浦及曼城之戰就更危! 希望一眾紅魔今夏熱身賽時已有好表現、有好默契，準備充足迎戰新一季嘅多場硬戰!
各位，為衛冕之路加油!!!
以下是曼聯38輛賽程：
2013年8月17日(星期六)：史雲斯 對 曼聯
2013年8月24日(星期六)：曼聯 對 車路士
2013年8月31日(星期六)：利物浦 對 曼聯
2013年9月14日(星期六)：曼聯 對 水晶宮
2013年9月21日(星期六)：曼城 對 曼聯
2013年9月28日(星期六)：曼聯 對 西布朗
2013年10月5日(星期六)：新特蘭 對 曼聯
2013年10月19日(星期六)：曼聯 對 修咸頓
2013年10月26日(星期六)：曼聯 對 史篤城
2013年11月2日(星期六)：富咸 對 曼聯
2013年11月9日(星期六)：曼聯 對 阿仙奴2013年11月23日(星期六)：卡迪夫城 對 曼聯
2013年11月30日(星期六)：熱刺 對 曼聯
2013年12月3日(星期六)：曼聯 對 愛華頓
2013年12月7日(星期六)：曼聯 對 紐卡素
2013年12月14日(星期六)：阿士東維拉 對 曼聯
2013年12月21日(星期六)：曼聯 對 韋斯咸
2013年12月26日(星期四)：侯城 對 曼聯
2013年12月28日(星期六)：諾域治 對 曼聯
2014年1月1日(星期三)：曼聯 對 熱刺
2014年1月11日(星期六)：曼聯 對 史雲斯
2014年1月18日(星期六)：車路士 對 曼聯
2014年1月28日(星期二)：曼聯 對 卡迪夫城
2014年2月1日(星期六)：史篤城 對 曼聯2014年2月8日(星期六)：曼聯 對 富咸
2014年2月11日(星期二)：阿仙奴 對 曼聯
2014年2月22日(星期六)：水晶宮 對 曼聯
2014年3月1日(星期六)：曼聯 對 曼城
2014年3月8日(星期六)：西布朗 對 曼聯
2014年3月15日(星期六)：曼聯 對 利物浦
2014年3月22日(星期六)：韋斯咸 對 曼聯
2014年3月29日(星期六)：曼聯 對 阿士東維拉
2014年4月5日(星期六)：紐卡素 對 曼聯
2014年4月12日(星期六)：曼聯 對 侯城
2014年4月19日(星期六)：愛華頓 對 曼聯
2014年4月26日(星期六)：曼聯 對 諾域治
2014年5月3日(星期六)：曼聯 對 新特蘭2014年5月11日(星期日)：修咸頓 對 曼聯

其後專區再為大家逐個月分析!