曼聯下個目標——「新馬基尼利」文迪? 精選

重返法甲之後，有巨資撐腰嘅摩納哥短短幾天就諛花過億簽入法卡奧、摩天奴及占士洛迪古斯，但原來並唔係所有球員都對摩納哥大有興趣。英國《郵報》就披露，隊中防守中場、有「新馬基尼利」之稱嘅文迪，就拒絕同球隊續約，仲打算轉投曼聯。

20歲的前法國U19國腳文迪，身高1.68米，有好強嘅中場搶截能力，被譽為「新馬基尼利」，晌上賽季法乙賽事，他亦是摩納哥的中場主力，並且幫助該隊重返法甲，正當大部分摩納哥球員都在期待摩納哥即將在法甲，甚至日後出戰歐洲賽帶來強大衝擊嘅時候，呢名黑人防中卻拒絕同摩納哥續約，有望晌今夏以自由身離開。
個個都想加人工，但文迪竟然拒絕...
摩納哥主帥雲尼亞利都對此都好唔明白：「我真係無法理解佢嘅態度。每次當我睇到佢踢波，我都會想起馬基尼利。我好信任佢，俾機會佢上陣。我認為他會錯過一筆豐厚嘅合同，但呢個係佢嘅選擇，佢寧願聽取他兄弟以及佢經紀人嘅話，而唔係佢嘅教練，真是遺憾。」

《郵報》披露，文迪已經吸引法甲球隊尼斯嘅注意，不過，文迪卻對曼聯非常有好感，並且渴望同紅魔聯系，並且參觀卡林頓訓練基地，《郵報》亦指出，莫耶斯亦對這名20歲的防中好感興趣。晌過去兩年費查飽受傷病之際，曼聯一直缺少一個專職防守嘅強力防中，而文迪有望成為填補曼聯嘅最後一塊拚圖。

當然文迪嘅出走，並唔會影響摩納哥嘅擴軍計劃，摩納哥仍然對蘭尼好有興趣，而蘭尼日前亦表態，佢會晌未來幾日做出決定。