卡比耶送秋波：我鐘意咗曼聯好耐喇! 精選

中場一直都係曼聯咁多季以嚟嘅首要收購目標，之不過雖然每年都係咁講，但始終都係未搵到個合晒心水，下季連史高斯再度退休喇，要搵到一個晌中場擔大旗、控制節奏、擅守擅攻嘅人，睇怕都係莫耶斯今季首要目標，日前就有中場公開同傳媒講話佢鐘意咗曼聯好耐喇，佢就係紐卡素中場卡比耶!

卡比耶日前接受法國傳媒訪問時，被問到有無興趣加盟曼聯時，呢位法國中場就即刻向曼聯大送秋波：「當然有興趣喇，我鐘意咗曼聯好耐呀喇，好欣賞球隊嘅處事方法，雖然費SIR已經退咗休，之不過佢哋搵到個好適合嘅繼任人——莫耶斯，佢晌受華頓嘅時候已經貢獻良多! 曼聯往往對住一啲實力強橫嘅對手都好好表現，如果能夠成功加盟，將會係一個好大嘅挑戰! 」

呢位盛傳身價1500萬鎊嘅中場球員，近年晌紐卡素表現得好出色，版傳正受到巴黎聖日耳門、摩納哥以及曼聯垂青。對於轉會傳聞，呢位27歲中場就講喇，「呢一刻我仍然仲係紐卡素球員，之不過日後嘅發展無人知，依家只會專心為法國打好嚟緊兩場比賽，之後我就會放假，到時先同經理人傾下前程。現時只可以同大家講，我無同任何球會接觸過，我只可以講我好鐘意英倫呢個地方，今夏會睇睇咁情況先再作任何決定! 」

大家又點睇卡比耶呢? 如果佢加盟，對曼聯好嗎? 最後族上卡比耶一啲入球精華入俾大家睇...
http://www.youtube.com/watch?v=ahVXBUaW3_U