莫耶斯格言：球員要自律 培養年輕球員 精選

由愛華頓主帥變成費SIR曼聯接班人，莫耶斯壓力唔大就假嘅，而佢日前晌一場教練研討會入面，佢就俾邀請咗上台，同大家分享一下佢教隊嘅哲學，睇怕呢個亦係佢日後點樣帶領紅魔延續成功嘅格言。

莫耶斯一嚟就話喇，「教隊嘅哲學係首先要與球員們打交道，你必須要贏得你手下球員嘅尊重同信任，做唔做得到，就要睇你自己造化喇。」莫耶斯對球員要求亦相當嚴格，「如果你想為我打工，咁你就需要一周7天都要工作。我必須要清楚，我麾下嘅球員要非常努力。」

而同費SIR一樣，莫耶斯亦都同樣好注意嚴明軍紀，「我嘅球員們必須要遵守紀律。我亦好願意俾年輕球員機會，調教球員們嘅心態係非常重要，但一切需要與球員嘅想法一致。」
願意俾機會年青人，睇嚟沙夏下季有機會上位...
莫耶斯及後亦好明白，買賣新球員對一個領隊成敗好有關，仲係決定教練命運嘅關鍵，「領隊必須要緊貼時代嘅潮流，作為球隊嘅主教練，你引入同球隊唔啱嘅球員，將會決定你能唔能夠保住飯碗。我啱啱去到愛華頓嘅時候，愛華頓需要一個新方向，作為球隊教練，就要必須找到球隊持續成長嘅方法。」

另外，原來莫耶斯亦準備效仿費SIR，要晌曼聯嘅足球事務上擁有絕對嘅話事權，佢唔不希望董事會同管理層插手，「很榮幸成為曼聯主帥，但我唔想係咁回答董事會嘅問題，一個領隊需要要有主教練嘅影響力。」
呢兩位會唔會係佢口中對同球隊啱嘅球員? 莫耶斯會唔會買佢哋呢?
另外，英國《每日鏡報》指出，曼聯舊將、莫耶斯晌愛華頓時嘅麾下球員菲臘尼維利將會重返奧脫福，成為紅魔教練組的一員，成為莫耶斯嘅助手。雖然菲臘仔有好多選擇，可以自己做教練或做評述員，之不過同莫耶斯就係睇中佢合作咗8年，加上之前又效力過曼聯，可以充當領隊團隊同球員之間建立關係嘅橋樑，睇怕如果菲臘仔真係加盟，應該對莫耶斯有好大幫助。
你會返曼聯嗎? 各球員一定要自律!