朗尼：打中場我唔開心！

睇嚟筆者都真係無體諒過朗尼，一直都話佢轉型打中場對曼聯利多於弊，原來佢一直都為咗自己要打中場而唔開心！
成日要我打中場，我要做前鋒呀!!! 我做前鋒都入到波呀...
接受傳媒訪問時，佢對自己要打後一格有好明確的意見：「未來我可能可以打好多位置，不過今日我一定係一個正前鋒。我有責任要入多啲波，我確信我唔應該依家打其他位置。身為一個target man，我要做嘅係留喺前場控球在腳，等隊友出現支援、再發動攻勢。打呢個位好需要經驗，我認為我好適合，而我亦會選擇繼續做target man。」
其實朗尼真係前鋒同中場位置都勝任!
呢個訪問可以話對朗尼的不滿原因做咗個好大的解話：佢好想打正前鋒，在禁區搵食，而唔係喺中場線放長波俾雲佩斯球不著地射出世界波。或者佢會在禁區控波、交俾雲佩斯；不過佢亦可以選擇自己攻門，總之就唔係留係中場分波派波。然而大家都有眼見，朗尼打中場放啲波真係非常獨到，在中場唔夠創造力的日子朗尼真係可以勝任。不過既然佢都開到聲要打前，咁莫爺要留佢就只有一個方法：買個創造力強的中場球員，放返朗尼打前面拍雲佩斯。好彩嘅係莫爺其實一早就咁諗，希望買到費蘭尼或者法比加斯做中場指揮官。如果呢個真係莫爺眼中新曼聯的藍圖，佢就有足夠的籌碼同朗尼傾留隊喇！
留朗尼正前鋒，買中場指揮官，再唔係培養香川真司做中場指揮官喇...我點諗「2R」鋒線組合都應該OK!!!