C朗離隊已成定局? 回曼聯傳聞又再炒作! 精選

摩連奴離隊後，皇馬各球員上上下下都好似有大變動咁，希古恩決定離隊，而C朗亦傳會轉投PSG或者重投曼聯，當然佢高昂轉會費令呢一啲傳聞又似真又似假咁，之不過近日C朗傳到離隊已成定局咁，事關佢準備賣自己西班牙大宅，又傅佢決定唔同皇馬續約!
大宅ON SALE!
據傳媒報導，C朗晌馬德里嘅大宅已經準備出售，仲已經將有關資料放晌網上俾人參考，更有人話C朗上星期因為某原因返咗去卡寧頓訓練場，而今日英國《郵報》就指出，C朗已決定唔同皇馬續約，雖然皇馬主席佩雷斯就表明會不惜一切要留住C朗，之不過「神女有心，襄王無夢」，勉強要留住合約至2015年完結嘅C朗，最終只會人財兩失，所以如果C朗真係決定唔續約，依家賣28歲嘅佢走總算可為球會賺返一筆錢，於是佢轉會傳聞再度炒起!
轉會傳聞是真? 定假?
而英國《太陽報》就指出，曼聯睇見皇馬大地震，準備加快速度，將晌今夏出6500萬英鎊外加一名球員作為籌碼，回購C朗，又指出皇馬準備不惜一切買加里夫巴利加盟，就更加令人感覺C朗今夏會走! 更令人驚訝嘅係，晌曼聯的官方新聞TWITTER上，甚至提前出現C朗回歸曼聯嘅大新聞，之不過依家個TWITTER POST已經無咗，但係被黑客入侵，定係真係官方新聞，就確實係一個謎!
黑客定漏風聲?
另外，報導又話NIKE亦好希望C朗可以加盟一支由NIKE贊助出波衫嘅球隊，事關作為該牌子頭號代言人，佢地好唔想C朗著起ADIDAS贊助嘅皇馬衫，從而有傳佢哋好支持C朗回歸曼聯，而曼聯亦準備提供25萬英鎊周薪俾C朗!

其實由C朗上年公開表示自己晌皇馬踢得唔開心，謠言就滿天飛! 之不過只可肯定嘅係，C朗同已退休嘅費SIR關係好好，一直同費SIR保持聯絡，就算費SIR退休，佢俾人感覺仍好心馳神往曼聯! 只不過一切一切，留下大家判決喇!
C朗來季著邊一隊球隊咩波衫就仲未知，不過葡萄牙波衫印C朗就一定無問題!