爵sir金句集：真係笑到甩咀！ 精選

點解爵爺同摩帥咁合得來？因為佢哋其實都好「狂人」！睇下歷年來佢嘅「金句」就知道喇！

成為曼聯領隊之後第一個訪問：
「我依家最大嘅挑戰，唔係依家曼聯發生嘅事，而係我要扯f***ing利物浦落馬。記者們唔駛怕，連埋呢隻字照寫出嚟就得。」

曼城打起咗之後嘅回應：
「大家都期待曼城做到啲嘢，因為佢哋俾好多錢投資，點都要贏啲嘢返去嘅。有時你會有啲好嘈嘅鄰居，只能習慣佢哋嘅存在。唔係可以點？」

形容摩連奴：
「佢真係好好架，賽前飲返杯時佢阿哥前、大佬後咁叫我，好尊重我！不過如果佢帶啲好酒嚟就更好喇，佢俾我嗰啲已經唔算得上係酒，直情係洗油水…」
形容雲加：
「大家都話佢好有智慧，係唔係？識講5國語言咁叻叻。我剛剛都簽咗個象牙海岸嘅15歲小朋友，都識5國語言！」

形容賓尼迪斯：
「我諗佢好關心自己個覆歷cv，成日都提住。」
對碧咸的「飛boot門」之後：
「呢個真係一件怪異事件，我確信我試多100次、甚至100萬次都唔會再飛到對boot出去多一次。如果我得，我會復出返落場再做職業球員！」

對意大利球隊前的口水戰：
「如果有個意大利人同我講，隻碟上面有意大利粉，我會整開啲醬睇清楚有無。無計，佢哋係煙幕嘅發明者。小心啲好。」
形容恩沙基：
「佢一定係出世嘅時候已經越咗位。」

形容第一次見傑斯：
「我記得第一次見佢時佢得13歲，跑嘅時候好似喺草地上面飄緊咁，又好似一隻曲架狗在風中追緊張銀紙一樣。(編者按：係銀色嘅紙！唔係買嘢用嗰啲！)」
朗尼跳草裙舞，續約之後：
「你在野外散步見到隻牛牛，總會覺得呢隻牛牛好過你自家農場嗰隻。」

談皇馬簽入c朗的機會：
「你認為我會同一班暴徒簽約？傻的嗎？無可能！我唔會賣隻生化武器俾暴徒。」

1999年歐聯擊敗拜仁之後：
「足球。血獄。」

呢張未+1，26先啱！睇住先啦！
對自己退休：
「退休是一件大事，一個我珍而重之嘅決定。不過，係時候喇。」