致敬!各界人士異口同聲賀爵爺!

曼聯專區 於 09/05/2013 發表 收藏文章
舒米高:「失望、震驚、傷心。無諗過『嗰日』會係『今日』」。
法卡奧:「起立啦!鼓掌啦!爵爺退休喇,佢嘅輝煌成就值得祝賀!」

蘇斯克查:「在曼聯的十四個半年頭係我嘅事業頂峰。我從最好的人身上學習同成長。我永遠不忘他所展現的忠誠。所有我所學的,都是由他身上學到的。」

布隆基斯:「你對佢會有絕對信心,重要比賽之中佢可以起關鍵作用。」

沙夏:「爵爺要退休喇!希望佢身體無恙。佢係我老豆之外,對我生命中起最大影響力嘅男人。對足球之神致敬!」

連尼加:「英國足球歷史上最偉大的領隊可以休息一下了。爵爺,享受你的退休生活!」

納比:「爵爺好多次同我講,曼聯的原型係仿照祖雲達斯而建的。我唔識英文,佢啲英文發音又好獨特,所以我哋見面時總係要有翻譯員在場。然後我哋發現大家都識法文,就用呢個溝通。我哋關係好好,會一齊飲酒。佢會俾我威士忌,我會俾佢最喜歡嘅酒。我哋咩都傾。」

碧基:「執教26年、聯賽13冠、2個歐聯、5個足總盃、4個聯賽盃。傳奇!」

穆倫斯滕(曼聯一隊教練):「我認為佢在『幕後』一定仲有扮演嘅角色。佢有太多嘢可以俾到曼聯。」

碧咸:「我見到爵爺的新聞了。我講過好多次,都唔怕再提,佢唔單止係我遇過最好、最捧的領隊,仲係我嘅模範,好似我爸爸一樣。呢樣嘢由我十一歲入隊,到我離開曼聯嗰一日都無變過。

無佢,我唔可能有今日嘅成就。佢知道為國出賽有幾重要,亦知道呢樣嘢對我而言有幾重要。

尤其係98年,當我被趕出場之後,我根本唔可能應付到世界各地對我嘅注目。我好多謝當時支持我、保護我嘅爵爺。

可以接受足球史上最偉大的領隊的指引同發展足球事業,我真係非常榮幸。

謝謝你!好好享受你的退休生活!」

C朗:「謝謝你!爵爺!」

留言


請按此登錄後留言。未成為會員? 立即註冊
    快捷鍵:←
    快捷鍵:→