曼聯 對 車路士 賽後語：爵爺形容「他」為大衛天鵝 精選

對車仔一場波，大家都好多失誤，咩都出現過：卡華利起腳射波射中自己友、華倫西亞繼續出波俾外星人…而中場的連繫亦斷得好緊要，無咗卡域克中前場好似無哂關係咁…朗尼出陣後情況好轉咗啲啲，不過成隊的爭勝心成疑，輸波都係非常合理嘅。對呢場比賽，當然爵爺有嘢講：

「今日的比賽我哋銳利不足，車路士的表現在我們之上。明明練習時大家都有火，我唔明點解到真正比賽咩都唔見哂。球季好漫長，奪得冠軍意味住人人都付出好多，可能大家都累了。車路士的表現較好，不過入波的一腳有啲幸運成份，因為中咗鍾斯撞入。入波入得太遲了，我哋無時間去做咩挽救。

拉斐爾被逐係因為報復雷斯，但雷斯之前曾兩次肘擊拉斐爾都非常明顯，在被踢倒後更加好似一隻潛水天鵝一樣典地，令裁判相信拉菲爾的犯規好過份。倒地後仲笑哂，咩職業球員嚟架？」
死天鵝大衛天鵝

而賽後伊雲斯就表示，餘下兩場比賽一定要贏：「下星期對史雲斯就捧盃喇，重奪英超對我哋好重要。所以我哋一定要贏！就算對西布朗的比賽都唔可以失分，我哋想贏哂餘下兩場比賽。我知隊友們都準備好最後一擊，為咗報答球迷呢兩場波唔可以再hea踢。」

被問到點解會打成咁，佢自己都搔搔頭，不明所以：「我都唔知點解對住車仔會手軟，我無法明確指出打唔出水準的原因…(學英文時間：it’s hard to put my finger on why we weren’t up to our normal standards.)」忙，車仔又忙過我哋；累都應該係佢哋累啲。所以…我都唔明點解，總之佢哋值得贏波。計表現我哋真係輸。」攪咩呀兄弟？

其實水準跌，由輸俾皇馬已經開始，一直都未好過…可能一直以來的疲憊，因為輸波一次過爆發出嚟。加上捧盃，一班大帝仲唔胡天胡帝咩…飲酒派對蒲天光一定有，咁點會打得好…所以話呢，呢季都算係完架喇，希望放個假，大家都會襯得起個英超金章啦…
老馬有火，小魔可以學下麼？