同上年一樣，英超都係曼市雙雄的爭奪，然而結果卻大相徑庭。上年的勝者是後上的藍月亮，今天的勝者是紅魔鬼；上年戰至聯賽最後一刻才分到勝負，今年早四輪大局就已定。而今場比賽，對阿士東維拉的一戰，有五個talking point都幾重要，等筆者同大家分享一下！
一，曼聯的平衡時空交錯
平衡時空咁大件事？點交錯呢？咪就係以前嘅曼聯同今日嘅曼聯交錯出現囉！其實唔覺唔覺，紅魔的打法同以前已經有好大改變，穩守突擊變成爵爺最喜歡的戰術之一，水銀瀉地、攻到對手無喘息機會的次數已經唔多。然而，昨晚比賽的上半場，曼聯打出久違的進攻足球，唔單止兩翼都有攻勢，入波的可觀程度更加令人膛目。尤其係雲佩斯接應朗尼長傳的絕妙入球，更加係儼然卜比查爾頓式嘅攻門。所以上半場的曼聯，簡直就好似交錯著幾代紅魔影子一樣，令對手聞風喪膽…不過只限上半場。
二，華倫西亞的小小反彈
貴為2011-2012年的最佳球員，七號仔華倫西亞今季好明顯差過上年好多好多。原因可能係佢好想在中路俾到波雲佩斯，變相令右路無哂人。更重要的，係今年佢好似重咗好多咁，上腳又慢、hold波又多，速度更加係唔知去咗邊。不過昨天的比賽，佢好似有啲啲起色，有返幾次快速爆入禁區的機會。希望佢可以打返水準啦，唔係真係等俾人賣！
三，雲佩斯：禁區玩哂
唔係講喺人哋禁區，仲加埋自己禁區！相比起蘇亞雷斯在自己禁區防守犯手球輸十二碼，今日雲佩斯在自己禁區好漂亮地用頭鎚護空門，兩者真係可以話天壤之別。一樣咁識打防守嘅仲有杜奧巴，好多時都用自己嘅身體抗性為球隊在自己禁區擋下唔少攻擊。而雲佩斯雖然無魔獸咁擅長回防，不過起碼做到「適當的時間、在適當的地方、做適當的事情」！
四，傑斯的真實年齡
老實講，筆者真係好混淆，究竟佢係39歲？定係29歲？你要雲佩斯玩推右走左都仲得，要19歲的鐘斯推右走左都仲係輪輪盡盡、未必做得到；但依家係39歲嘅傑斯玩推右走左！仲要有份策劃雲佩斯兩個入波！佢嘅精力、技術、多變令佢成為曼聯不可或缺的棋子之一，只要唔係對以機動性、體能著稱的球隊，傑斯仍然可以做球隊核心！
五，迪基亞的撥開雲霧
其實傳要離隊的唔止朗尼、蘭尼，迪基亞都係其中之一，因為佢季中真係有不穩表現，令人有啲啲唔放心。不過經過幾個月的訓練，佢唔單止對高空波的應對有好大改善，身體的抗性亦一直提升，加上極快的反應力，令連迪加特坐足半季冷板櫈。而昨晚的比賽，對手的一記遠射非常美妙，迪基亞都可以救得到，爵爺對佢嘅信心亦慢慢得到加強。睇嚟，下年的紅魔一號仍然係非佢莫屬！
加送：
里奧整VP喪屍艾夫拿咬斷假手
一，曼聯的平衡時空交錯
平衡時空咁大件事？點交錯呢？咪就係以前嘅曼聯同今日嘅曼聯交錯出現囉！其實唔覺唔覺，紅魔的打法同以前已經有好大改變，穩守突擊變成爵爺最喜歡的戰術之一，水銀瀉地、攻到對手無喘息機會的次數已經唔多。然而，昨晚比賽的上半場，曼聯打出久違的進攻足球，唔單止兩翼都有攻勢，入波的可觀程度更加令人膛目。尤其係雲佩斯接應朗尼長傳的絕妙入球，更加係儼然卜比查爾頓式嘅攻門。所以上半場的曼聯，簡直就好似交錯著幾代紅魔影子一樣，令對手聞風喪膽…不過只限上半場。
二，華倫西亞的小小反彈
貴為2011-2012年的最佳球員，七號仔華倫西亞今季好明顯差過上年好多好多。原因可能係佢好想在中路俾到波雲佩斯，變相令右路無哂人。更重要的，係今年佢好似重咗好多咁，上腳又慢、hold波又多，速度更加係唔知去咗邊。不過昨天的比賽，佢好似有啲啲起色，有返幾次快速爆入禁區的機會。希望佢可以打返水準啦，唔係真係等俾人賣！
三，雲佩斯：禁區玩哂
唔係講喺人哋禁區，仲加埋自己禁區！相比起蘇亞雷斯在自己禁區防守犯手球輸十二碼，今日雲佩斯在自己禁區好漂亮地用頭鎚護空門，兩者真係可以話天壤之別。一樣咁識打防守嘅仲有杜奧巴，好多時都用自己嘅身體抗性為球隊在自己禁區擋下唔少攻擊。而雲佩斯雖然無魔獸咁擅長回防，不過起碼做到「適當的時間、在適當的地方、做適當的事情」！
四，傑斯的真實年齡
老實講，筆者真係好混淆，究竟佢係39歲？定係29歲？你要雲佩斯玩推右走左都仲得，要19歲的鐘斯推右走左都仲係輪輪盡盡、未必做得到；但依家係39歲嘅傑斯玩推右走左！仲要有份策劃雲佩斯兩個入波！佢嘅精力、技術、多變令佢成為曼聯不可或缺的棋子之一，只要唔係對以機動性、體能著稱的球隊，傑斯仍然可以做球隊核心！
五，迪基亞的撥開雲霧
其實傳要離隊的唔止朗尼、蘭尼，迪基亞都係其中之一，因為佢季中真係有不穩表現，令人有啲啲唔放心。不過經過幾個月的訓練，佢唔單止對高空波的應對有好大改善，身體的抗性亦一直提升，加上極快的反應力，令連迪加特坐足半季冷板櫈。而昨晚的比賽，對手的一記遠射非常美妙，迪基亞都可以救得到，爵爺對佢嘅信心亦慢慢得到加強。睇嚟，下年的紅魔一號仍然係非佢莫屬！
加送：
里奧整VP喪屍艾夫拿咬斷假手
請按此登錄後留言。未成為會員? 立即註冊