賽前強心針！爵爺：呢隊曼聯史上最佳之一！ 精選

曼聯香港時間周二凌晨將會晌主場迎戰維拉，如果贏波而回，咁領先16分嘅曼聯就可以提前贏得本季英超冠軍，考慮曼聯仲有機會打破歷來英超奪冠最高分紀錄，可能因為呢個原因，費sir晌今晚賽前大讚依家呢支曼聯係史上最佳球隊之一。

費sir就話喇，「如果我們贏得冠軍，咁嗰支球隊就將會被視作史上最佳奪冠隊之一，呢一點係毫無疑問。」如果曼聯能夠晌餘下5場聯賽全部贏晒，咁到時就會有96分，即係可以打破由車路士所創造出嚟嘅95分奪冠紀錄，「我們以幾多分奪冠，亦將會引起好多人更大嘅關注，我哋晌97年以75分奪冠，也曾經以91分贏得冠軍，令就係曼聯可以同其他球隊並列最佳。」即使曼聯晌今晚奪冠，個冠軍獎盃都會留到晌本賽季最後一場主場比賽，先會頒俾曼聯。
至於費sir亦都講到轉會傳聞，對於外界稱里奧費迪南好可能晌今夏離開曼聯、以及有好多間球會睇中咗晌曼聯無咩正選機會嘅小豆傳聞，費sir表態希望呢位球員都留隊：「講小豆晌曼聯已經無可容納嘅位置，呢樣嘢根本就無理由，我哋希望佢感覺自己已經做出貢獻，他今季攻入咗16球，當佢晌對韋斯咸一戰上陣時，佢嘅走位絕對係好恐怖，佢為我哋創造咗很多機會，我認為我們沒贏得嗰場比賽，感到非常遺憾。佢哋嘅門將做出好多撲救，小豆嗰日仲差啲頂入頭槌，佢總係有呢一種射門嗅覺同充滿激情。」
至於里奧，「我已經同里奧傾過，依家嘅佢只係想關注比賽，佢依家非常努力接受訓練，我哋都好想佢留低，好明顯，我肯定佢會同佢經紀人談一談，我唔認為出國外踢波，對佢嚟講係最好嘅選擇。」

至於今夏嘅轉會市場動向，費sir就披露曼聯唔會買好多人：「咁就取決於好多方面，例如嗰啲球員係唔係可以轉會。唔係所有人都可以買到心儀嘅球員，我哋需要啲咩呢？我們有一個好好嘅陣容，有香川真司、伊雲斯、史摩寧、菲爾鐘斯、拉菲爾呢一班年輕球員，法比奧亦都會返嚟，畢特拿、迪基亞、卡華利、韋碧克同小豆一樣都好後生，呢個陣容可以維持好多年，我們期待年輕球員嘅進步。”

“例如菲爾鐘斯同史摩寧，如果佢哋能夠保持健康，佢哋會有很大進步，我們已經見到韋碧克嘅進步，他一直晌到進步緊，佢依家嘅問題是入唔到球，呢個係佢需要改善嘅地方，去年他入咗12球，但今年只有2球，他有點就此而困擾，但晌英格蘭，佢睇起嚟每場比賽都可以入波。」當被記者問到是否打算晌今夏再簽一個球星時，費sir就話喇，「應該邊個位置呢？這個係最主要嘅問題，通常嚟講，人哋談論嘅係是前鋒，但現在情況有點複雜，尤其係以隊中擁有一定數量嘅前鋒。」
有傳聞曼聯打算引入多蒙特前鋒利雲度夫斯基，對此，費sir就講喇，「拜仁才更想買他吧，唔係咩？我哋必須等等，睇睇事情發展，並且睇睇我哋贏得聯賽冠軍後嘅情況，或者到時我哋會有唔同嘅睇法，我認為我哋轉會窗舉動唔會好多，但真實到依家我都不知道情況。」