空穴來風，未必無因。今季傳媒話朗尼會走的消息此起彼落，唔止英傳媒有講，法國傳媒都好多消息咁，可見件事唔係傳聞咁簡單。而英軍名宿舒利亞都出到聲，話如果朗尼真係對自己好，必須好好諗下自己仲留唔留喺曼聯。佢咁講：「大家都有眼見，朗尼嘅情況唔健康。佢被爵爺投閒置散、留放去唔同嘅位置，甚至係要打後備。如果我係佢，我會好好咁諗自己嘅境況，如果真係唔開心，咁就真係要走。
好明顯佢已經唔係曼聯的頭號選擇，雲佩斯加盟之後已經成為鋒線上的必然正選，已經無朗尼份。佢已經唔係球隊不可或缺的一部分，呢個可以由皇馬一役見到。身為英軍的重心人物，佢竟然在球隊一季入面最重要的一役中因為『戰術關係』而被剔除於正選之外，我實在係百思不得其解。」
「佢面臨一個大測試，因為佢已經被逼由正前鋒轉為打中場。27歲正值當打之年，如果由前鋒轉為打中場的是美斯或者C朗，一早已經被評為荒謬之事。不過朗尼幾年前已經有人叫佢轉打中場。我認為曼聯唔可能俾佢去英超的其他球隊，所以惟一俾得起錢買佢嘅國外球隊，只得返巴黎聖日耳門。」
咁大鑊？？
筆者睇完，其實對舒利亞的言論有啲唔係好認同。一直以來筆者都覺得朗尼並非一位正前鋒，佢唔係以入波為生命的球員。將佢同美斯、C朗比，或者同雲尼斯達萊、奧雲，甚或小豆、雲佩斯比都係唔應該的，因為呢班都係禁區之狼，生來的天賦離唔開入波。不過朗尼的天賦更多，佢有長傳的能力、強大嘅閱讀球賽能力，仲有過人嘅身體抗性可以保護皮球，呢一切都係一位偉大嘅中場指揮官必須具備嘅條件。而佢於龍門前的表現亦不夠穩定，對於作為主力鋒線球員有一定影響，轉型打中場係好自然嘅。如果無得打前鋒就要走，咁史高斯、傑斯一早就走咗，因為史高斯無得打攻中，而傑斯亦無得打左翼，唔通咁就等如投閒置散？發掘自己另一方面的強大，才是紅魔球員不死的重要精神。所以話呢，大家等朗尼轉型，喺雲佩斯、法卡奧、利雲度夫斯基後面做影子殺手好過啦！
朗尼都係著返曼聯波衫順眼啲！
好明顯佢已經唔係曼聯的頭號選擇，雲佩斯加盟之後已經成為鋒線上的必然正選，已經無朗尼份。佢已經唔係球隊不可或缺的一部分，呢個可以由皇馬一役見到。身為英軍的重心人物，佢竟然在球隊一季入面最重要的一役中因為『戰術關係』而被剔除於正選之外，我實在係百思不得其解。」
「佢面臨一個大測試，因為佢已經被逼由正前鋒轉為打中場。27歲正值當打之年，如果由前鋒轉為打中場的是美斯或者C朗，一早已經被評為荒謬之事。不過朗尼幾年前已經有人叫佢轉打中場。我認為曼聯唔可能俾佢去英超的其他球隊，所以惟一俾得起錢買佢嘅國外球隊，只得返巴黎聖日耳門。」
咁大鑊？？
筆者睇完，其實對舒利亞的言論有啲唔係好認同。一直以來筆者都覺得朗尼並非一位正前鋒，佢唔係以入波為生命的球員。將佢同美斯、C朗比，或者同雲尼斯達萊、奧雲，甚或小豆、雲佩斯比都係唔應該的，因為呢班都係禁區之狼，生來的天賦離唔開入波。不過朗尼的天賦更多，佢有長傳的能力、強大嘅閱讀球賽能力，仲有過人嘅身體抗性可以保護皮球，呢一切都係一位偉大嘅中場指揮官必須具備嘅條件。而佢於龍門前的表現亦不夠穩定，對於作為主力鋒線球員有一定影響，轉型打中場係好自然嘅。如果無得打前鋒就要走，咁史高斯、傑斯一早就走咗，因為史高斯無得打攻中，而傑斯亦無得打左翼，唔通咁就等如投閒置散？發掘自己另一方面的強大，才是紅魔球員不死的重要精神。所以話呢，大家等朗尼轉型，喺雲佩斯、法卡奧、利雲度夫斯基後面做影子殺手好過啦！
朗尼都係著返曼聯波衫順眼啲！
請按此登錄後留言。未成為會員? 立即註冊