英超百球射手前十名 曼聯有幾多個？ 精選

可以成為榜首球隊，防守之餘攻擊都好重要嘅！今季曼聯就有新魔王雲佩斯幫手入波啦，不過原來歷年來攻入100球的英超射手入面佢都榜上有名架！佢邊場攻入第100球個人英超入波？唔係效力兵工廠時入嘅，因為呢個波係上半季對修咸頓的比賽時入嘅！場波以3:2反勝的同時，唔單止慶祝了爵爺執教曼聯第1000場比賽，亦係雲師兄攻入歷史性100球的日子！不過佢都要上陣197場波先攻入100球，歷史上只排第8！咁究竟邊個先係英超百球第一人？
咪就係呢場波之嘛！
第一把交椅嘅，係英軍頭號前鋒舒利亞！佢入第一百球時正值布力般的高鋒時期，當年僅效力布力般5年的舒利亞已經攻入112球！而佢足球生涯共射入260個入波，係英超第一個入100球、第一個入200球，同第一個為兩個球會各貢獻100球的球員！你都咪話唔恐怖！
佢同曼聯舒寧咸的「雙舒」組合係當年英格蘭的殺著之一！

不過如果要數曼聯球員，英超百球榜中，頭十位都只有幾位。正正式式入榜的，亦只有高爾一人。作為黑雙煞的一員，佢喺1999年為曼聯8-1大勝諾定咸森林時攻入100球，用咗185場波的時間，排名第7。除他之外，另外只有兩位曼聯球員上榜，除雲佩斯之外，只有奧雲一位，而他185場波入100球的紀錄，亦在利物浦身上取得而非曼聯。就連紅魔的著名殺手雲尼斯達萊，都只能為曼聯上陣150場聯賽，攻入95球。所以話，百球名人堂真係唔易入架！佢哋都入夠100粒架！
不過入波還入波，曼聯的其中一個特色係人人都識入波，打整體而非打個人。就好似今年入波最多的，暫時仍是蘇亞雷斯的22球，不過太過依賴佢入波嘅紅軍，成績始終都未如理想。曼聯人人都識入波，少啲人入百球榜都正常！最緊要，係眾志成城為曼聯嘛！
朗尼：我都入夠100粒架！不過唔入10名之嘛！