史摩寧：我可以取代里奧 精選

史摩寧今年一開季就受到傷患困擾，直到11月先復出，但復出後晌曼聯嘅出場次數都唔係咁多，又多以右閘示人，而非佢最擅長嘅中堅，但近期國家隊比賽入面，史摩寧被鶴臣投下信心一票，出任球隊以中堅一職，佢更認為：「我可以取代里奧! 」

晌泰利退出國家隊，而里奧今次又因要接受一早安排好的治療而退隊，而令史9摩寧有機會出任國家隊正選席位，「我絕對意職到自己日後出任中堅一職嘅機會，領隊觀察過咁多球員嘅表現而決定人選，而對我嚟講，出任正選好似機會就晌面前，只要我落場踢多啲波，相信我就更大機會奠定中堅之位。」

對於自己受傷咗一段長時間，史摩寧都表明那段時間好頹，「今季對我嚟講其實好大挫折，事關自己一直養傷去到11月中，幸好傷癒後都有出場機會，嚟到季尾感覺自己狀態幾好，希望餘下比賽可以好好完成，遠離傷患，令自己來季可以參與季前習訓。」

最後，史摩寧都大讚鶴臣同費SIR對佢嘅支持：「如果有領隊支持你，感覺的確係無得頂，好慶幸費SIR同鶴臣都對我投下信心一票，令我對自己能力有信念，只求打好場波。」