雲佩斯：我加盟時爵爺同我講咗個小秘密！ 精選

雲佩斯同曼聯的連繫始於幾時呢？原來佢好細個時爵爺已經派球探睇過佢！話說當年雲佩斯仲打緊飛燕諾，爵爺就派人去荷蘭睇下呢個靚仔啱唔啱用，點知雲佩斯嗰場波俾人趕咗出場，而球探亦走咗…件事佢當然唔知啦，直到佢加盟時爵爺先講返！當年爵爺認為雲佩斯仲未夠料打英國大球會，要多啲磨練先。聽完費格遜咁講，雲佩斯就答咗一句：「你啱！不過嗰時還嗰時，今日還今日，依家我已經準備好哂為曼聯打天下啦！」
嗚...唔好話我唔夠料啦...依家夠咪得囉！
而佢亦有講到自己加入曼聯的目標：「我一開始其實目標係三冠王，聯賽、FA cup同歐聯。雖然依家得返兩條戰線，不過我好有信心。我估我哋可以在對曼城或者阿仙奴的比賽中鎖定冠軍，不過我唔在意幾時得到，我知道我必須將聯賽冠軍得到手。」

今個星期就無聯賽比賽啦，不過就有國際賽噃，而雲佩斯都在國家隊貢獻咗一入波一助攻，叫做打破咗入球荒啦！筆者就好期待佢打破埋曼聯的小入球荒，在30號對新特蘭時可以入波，令紅魔重奪聯賽冠軍的道路再行前一步！