艾雲：只有一個人可以繼承爵爺！ 精選

大家唔會唔記得艾雲啦？1999年三冠王的班底，呢位無名英雄有好大功勞！講到邊個最熟曼聯，佢一定係其中一個！不過點解提到佢？因為佢提到曼聯的未來，準確啲嚟講，佢同大家預言：繼任費爵爺成為紅魔鬼領隊的，一定係…摩連奴！呢一幕，都幾似摩帥已經做咗曼聯教頭！

艾雲依家係傳媒人，會寫專欄同上電視，早排佢就喺愛爾蘭報紙Sunday Worldnewspaper入面寫：「依家世界上只有一個人可以繼承爵爺背負起曼聯嘅一切，而呢個人嘅姓名就係：摩連奴！應該咁講啦，如果有一個人在足球壇上無人可以取代，成就無人可比，無論邊個話想繼承佢都一定係傻仔。不過摩連奴唔同，佢係非常獨特的人，只有佢可以做好呢份工。
無人知gaffer(曼聯中人個個都咁叫爵爺)幾時會退休，不過我好明白佢嘅離開會對曼聯有幾大影響。好似2001到2002年球季，爵爺宣佈自己退休時，球隊就受到好大影響，即刻就四大皆空喇…由此可見，gaffer一走就會為我哋帶來好大衝擊。不過佢唔可能一直陪曼聯走落去，所以佢一旦退下來，必須有一個強大領袖立即接手，將一切導回正軌。呢個工作，只有摩帥可以做到！
不能否認，摩帥有佢自己嘅個性問題，有時會令人好不快，不過佢有魅力、有權威，而且有好強大的成功經驗支持佢，令佢成為曼聯領隊完美嘅候選人。卜比sir、舒米高都唔肯定摩連奴啱唔啱做曼聯領隊，不過我認為佢哋咁諗係因為摩連奴成日都做唔長，去邊都係打得2年3年。我都明，曼聯在爵爺的領導之下，穩定性變得好重要，所以佢哋唔想要摩帥我明白嘅。不過浪子最後都會穩定落嚟，我確信摩帥已經想停落嚟，而紅魔會係佢最好嘅歸屬。」
拿，艾雲就咁諗喇，而筆者都覺得摩連奴比哥迪奧拿、莫耶斯都更加合適做紅魔教頭。不過佢實在太霸氣，如果有蘇斯克查、傑斯等人輔助佢打返均，一定會更好！
會唔僧會...下年就已經成真？？