鶴臣唔嫁又嫁！終於揀返里奧入三獅軍團！ 精選

三獅軍團一直都係一個好難駕駁嘅團體，有好多問題要解決！而鶴臣都無法避免，對住三獅一方面要好好調解內部問題，另一方面亦要面對「點將」嘅重大決定！不過最新嘅英軍陣容，正正就多咗佢：里奧費迪南！

點解有佢咁奇怪？大家可以睇下之前鶴臣嘅言論：
12年5月16日：「我揀泰利唔揀里奧係基於football reason。一隊有23個人，我哋必須為未來鋪路，所以無謂因為一個人嘅去留(指里奧)而討論到天光。」

12年10月3日：「我好懷疑佢(里奧)再出現在英軍的機會。老實講，佢嘅國家隊生涯已經玩完。呢個係路嘅盡頭。無為國家隊上陣咁耐，而且已經34歲，仲有咩希望可言？」

13年2月6日：「我唔諗住提佢(里奧)。我哋剛剛歷史性贏咗巴西，我唔想講一啲不在陣中嘅球員。」

13年3月14日：「里奧咁嘅質素同年紀，揀佢入隊絕對唔係打後備，揀佢一定係為咗提升球隊質素，只有想球隊更好先會揀佢。里奧仲好有氣，所以2014年嘅英軍一定有里奧份，因為佢狀態真係非常之好。」
老實講，如果我係里奧，真係唔知好嬲定好笑。究竟鶴臣真係想用里奧？定係因為愛華頓嘅積基卡因傷退隊，所以先要里奧歸隊？咁就真係不得而知，筆者就係知就算咁入選，里奧的士氣都唔會太好，因為同鶴臣已經關係麻麻，最慘嘅係隊中仲有俾里奧罵過係「脆皮雪條」嘅艾殊利高爾…里奧呀里奧，國家隊路難行呀…咁嘅情況...點算呀
不過點都好，我哋不如睇睇有邊個入咗新英軍：

賓科士打、祖赫特、費沙科士打
拜恩斯、卡希爾、艾殊利高爾、多遜、里奧、格連莊遜、史摩寧、基爾獲加
卡域克、湯卡華利、謝拉特、林柏特、艾朗連儂、占士米拿、奧斯文、柏加、張伯倫、禾確特、艾殊利楊格
迪科爾、朗尼、史杜列治、韋碧克

即係話，成隊26人，入面有1/4都係曼聯球員！對於訓練默契而言，呢隊英軍對曼聯都有好處噃！
好彩都有好多隊友喺英軍啫！見到你都幾好！