ESPN:曼聯今夏或以35m英鎊放朗尼

曼聯專區 於 07/03/2013 發表 收藏文章
上仗對皇馬朗尼無正選打,已經有好多傳媒估計朗尼即將離開曼聯,不過都係小道消息多。不過今日,體育界巨頭ESPN都收到知情人士嘅消息,話今夏朗尼將會標價3500萬英鎊…咁睇嚟英軍十號真係有機會離隊…
唔通呢對鋒線仲未係爵爺心中最佳組合?

ESPN消息人士稱,如果真係掛牌朗尼,將會係由一連串的事件引起,而事件的核心就係最近甚囂塵上嘅絕大傳會新聞:c朗有心回歸曼聯。而呢單嘢唔係神女有心咁簡單,紅魔自己都千方百計希望c朗可以回巢。而外間一致認為籌碼係5500萬英鎊加上蘭尼的加盟。所以錢,係好重要嘅;要開源,可能就係向朗尼開刀。不過亦有一說,話曼聯希望以一換一的方式,用朗尼換打得唔開心嘅c朗。不過據講銀河艦隊暫時未有意羅致朗尼,所以第一說,即係以朗尼套現加蘭尼換c朗的情況最大機會。
一個嚟一個走?真係此情不再??

而ESPN亦提出兩點支持朗尼今夏離隊的傳聞。首先朗尼與爵爺的關係其實一直未有修復,自朗尼跳草裙舞被雪之後,其實爵爺都係睇在朗尼的實力強橫之上而繼續用佢,如果有c朗呢位猶如親生仔一樣的世界級球員代替,爵爺實在有好大理由賣走朗尼。而另一方面,多蒙特的利雲度夫斯基已經差不多確定今季後一定離隊,而新東家好可能就係曼聯。有咗呢位德甲射手加盟,朗尼的重要性亦進一步下降。所以c朗、雲佩斯、利雲度夫斯基絕對可能係下季曼聯的終極藍圖,咁嘅情況下朗尼離隊就變得更有可能。
利雲度夫斯基:我過來同你再續前緣好唔好?香川:......都好嘅...不過放手先,唔好攬咁實...

當然啦,成件事都要睇朗尼肯唔肯走嘅,而c朗自己想返曼聯,朗尼亦可能係因素之一,無肥仔供波俾佢,可能都影響c朗的決定。不過點都好,今季紅魔的轉會市場一定風起雲湧,比上年引入雲佩斯更加好睇!

留言


請按此登錄後留言。未成為會員? 立即註冊
    快捷鍵:←
    快捷鍵:→