米基爾：「英超？一頭馬車囉！點追呀？？」 精選

今季聯賽原本的大熱門，就係一開始都跑出幾多嘅車路士。去到上年年尾，佢哋只離曼城4分，追曼聯就有啲吃力，追第二都仲ok！不過到咗今日，佢哋已經落後曼城7分，落後曼聯達19分，甚至已被熱刺趕過。如此的劣勢，隨時第4都不保...陣中中場，曾經被曼聯垂青嘅米基爾，都不由得大大感嘆：聯賽已經係「一頭馬車」！

佢咁講：「我認為今季已經係一頭馬車之勢，現實啲講，我唔認為有邊個賭錢嘅人仲會落注曼城同車路士身上，因為整個天空已經染成曼聯嘅紅色。唔會有人追到佢哋架喇。」
就連昆士柏流浪的哈里列納都認為今季都係曼聯世界：「今季曼聯表現好穩定，keep住贏波、keep住攞分，相對而言其他英超隊伍都有過段失分潮。所以如果佢哋失落冠軍，我真係會好意外！紅魔有住最強質素的球員，朗尼、雲佩斯令爵爺可以好好運用戰術。呢個就係佢哋領放嘅重大原因之一。」列納：法比奧呀法比奧，學下拉菲爾咁好唔好？好似佢入波嘅7成咁靚就夠喇！
如果世界上有一班人最唔敢相信自己可以得到今季冠軍，咁一定就係呢十幾二十個人：曼聯球員！卡域克自己就話，無一個紅魔咁講實今季贏梗，因為諗得太好、放鬆太早，現實就會翻轉頭咬你一啖！所以佢哋都係見比賽打比賽，打一場諗一場的心態打波。我諗，各位紅魔迷都總會有啲患得患失嘅！所以，4月8日的曼市打比好可能就係決定性時刻喇！
雲佩斯：我要冠軍呀...俾我呀...軍醫：小心啲好噃！慢慢嚟！