朗尼卡華利伊雲斯大爆內幕 朗尼：最鐘意整蠱雲佩斯 精選

近日朗尼、伊雲斯同卡華利接受英國《鏡報》訪問，披露咗好多曼聯更衣室內嘅多個內幕! 依家就同大家一齊分享下當中內容喇,,,

隊中邊個最鐘意講笑? 邊個又最容易被整蠱呢?

卡華利：「鐘意講笑嘅人？其實曼聯更衣室入面有好幾個，例如朗尼總係晌係行開咗嘅時候攞走你部手機，搞一啲小動作惡作劇，費迪南、安達臣同埋韋碧克都好鐘意搞笑。」

朗尼：「我最鐘意整蠱雲佩斯呀喇!，因為佢最容易上當，佢唔係最聰明嘅一個。雖然佢晌場上係一個非常掂嘅球星，之不過佢晌場外就唔係咁聰明喇，我好容易就可以整蠱到佢喇。」

邊個晌隊中入面衣著最好? 邊個品味又最差呢?

朗尼：「最佳衣著？我唔知呵，隊中有一啲人都唔注重衣著品味，佢哋都唔係點多換衫，但要講到邊個換得最多衫呢? 睇怕都係費迪南喇。至於衣著品味最差呢，我諗係菲爾鐘斯喇，當中仲有安達臣同埋連迪加特。」

伊雲斯：「我又唔覺連迪加特著得咁差呵，講到衣著，我就覺得畢特拿應該打入衣著最差前三名喇。」
真係咁差?

咁美斯同C朗邊個勁啲先?

卡華利：「我無同過C朗做隊友，只係知佢同美斯係唔同類型嘅球員，但目前我就認為C朗係最勁! 」

伊雲斯：「我好難去比較佢哋兩個，我冇日日近距離去睇美斯，但我晌C朗身邊一齊訓練過。由於我以前每天都睇到C朗晌訓練場上進進入入，了解知道過佢嘅付出，所以我選擇C朗。」
朗尼：「就好似卡華利咁講，他們兩個係唔同類型嘅球員，不過我認為美斯比較更令人難以置信，我認為佢係最好嘅一個，所以我揀美斯。C朗都可以話有啲唔夠運，如果換咗去其他時代，他一定可以攞到好似美斯所攞到嘅一切獎項，佢哋都算係史上最佳球員入面嘅其中兩個。」