曼聯對傑志賣飛成新聞 1.8萬門票3小時售罄 精選

七月廿九日曼聯對傑志的比賽，係紅魔8年前訪港之後第一次來港，當然令一眾香港曼迷非常期待！不過佢哋掀起嘅撲飛潮又係唔係好事？

據報章報導，有紅魔粉絲昨天晚上九點已經開始排隊，通宵輪候。不過今時今日一有得排隊就出現嘅「排隊黨」當然唔會放過機會，老人家、菲律賓傭工、南亞裔人士悉數出動，令不少紅魔粉絲都心灰意冷。就連偏遠的小西灣通利琴行、亞洲國際博覽館都有上百人排隊，不過失望而回嘅都唔少。
而買飛的問題亦不止於此。全場4萬張門票，其中只有1.8萬張公開發售，僅開始發售的40分鐘990蚊嘅飛已經全部售罄，而全部1.8萬張飛都在3小時內售罄。就喺曼聯專區入面，都有求飛、賣飛的網民出現。專區希望買唔到飛嘅球迷唔好失望，只要鍾意愛隊嘅心唔變，總有一日可以朝聖成功！