C朗：對曼聯有美好回憶 但皇馬強過紅魔囉! 精選

下星期歐聯16強嘅戰線就重開喇，當中最大焦點賽事，當然係皇馬對曼聯呢個對碰喇！至於邊個係「焦點星」，唔洗講大家都知係C朗喇，近日佢不停接受訪問佢有關曼聯同皇馬嘅事，問到點睇兩隊時，佢就表明：「皇馬比曼聯強! 」

C朗就話喇：「晌我個人意見嚟睇，我覺得皇馬係比較好嘅一隊，但都要晌場上顯示出應有實力先得，作客奧脫福就更加特別難打，曼聯一向都係一支好團結嘅球隊，佢咃晌歐聯賽事上征戰咁多年，多年嚟都表現好好，經常被捧為熱門，係絕對值得尊重嘅對手。」
令人期待嘅大戰!
至於被問到下星期就要晌主場對戰母會，C朗話喇：「我相信我哋可以晌主場同曼聯打成平手，我一早就想晌場上對戰曼聯，晌奧脫福我有好多美好回憶，呢場波一定對我意義好大，事關我晌曼聯效力咗6年，當中有好多朋友，比賽一定充滿樂趣! 」

及後佢繼續發表對費SIR嘅尊重：「費SIR教晚我踢波最基本嘅嘢! 我晌18歲就加盟曼聯，費SIR晌呢6年將我嘅足球事業推到最高峰，對我嚟講，佢係我晌足球生涯中其中一位最重要嘅人。我依家同費SIR關係仲好好，好開心可以晌場上再次見到佢! 」
費SIR係我晌足球生涯中其中一位最重要嘅人...