朗拿甸奴：當年曼聯簽我的話會贏盡歐洲賽！ 精選

咩都唔好理住，睇下細哨點講先：「如果當年曼聯簽咗我，一早就可以橫掃歐洲賽！我打過好多大球會，贏過好多錦標，所以曼聯有我的話係如虎添翼！」

最近無咩傳聞話細哨想成魔架，咁點解佢咁講呢？原來佢係話當年！2003年時細哨仲打緊巴黎聖日耳門，當時有好多豪門都想羅致佢，而曼聯就係其中一隊！最後結果朗拿甸奴當然係無成魔啦，反而成為「地上最強」巴塞隆拿的一員，2003年到2008年其間上陣145次、共入70球。而佢諗返當年，就提到紅魔鬼如果簽咗佢，就可以在歐洲賽場上大展身手咁話。

照佢呢一番說法，唔通當年細哨同曼聯只係擦身而過？紅魔有出價，而朗拿甸奴亦有意加盟？？心水清嘅紅魔迷應該記得，當年雖然無朗拿甸奴成魔，不過都有一位傳奇人物著上曼聯波衫，就係同樣冠以「朗拿」之名嘅c朗拿度喇！所以話，塞翁失馬都未必唔係好事嘅，你會想睇c朗的成名故事，定係細哨幫曼聯攞好多錦標多啲？
c朗好啲定朗拿甸奴好啲？