文仙尼：上年都追到曼聯，今年仲有3個月實追到啦！ 精選

曼聯3中柱1入波小勝富咸之後，10分領先同城對手曼城，所以昨晚的比賽壓力就落在藍月亮身上。不過比賽結果係和氣收場，2-2的比數令曼市雙雄的分數拉近到…9分。對此，曼城領隊文仙尼表示佢哋仲有得追噃：

「聯賽仲未完，絕對未。7分距離定9分無所謂，我諗我哋可以追得返。不過我哋餘下場事要贏哂，贏唔哂都好…11、12場一定要。咩都可能發生，這就是足球。上年都係6場波、8分差距啦！咪又係追到！點解今年唔得？仲有3個月，我好有信心。仲有15場波，曼聯要應付幾條戰線，又FA Cup、又歐聯，邊有咁好力。3、4場波追返3、4分，唔難！然後以落後3分嘅姿態喺4月6號同城打比贏埋，咁就KO喇。」
對於紅軍昨晚第一個入波，迪斯高倒地的情況下，利物浦無停止進攻，攻入首球，文仙尼就咁睇：「呢排球證真係偏幫對手架！對昆士柏流浪已經無俾12碼，對利物浦又係好多犯規都無俾到。好似輸第一球波，迪斯高被侵犯就應該吹停啦。佢瞓喺到唔知發生咩事，係唔係應該停止比賽？但紅軍繼續攻囉！」公說公有理，婆說婆有理，紅軍的史度列治就話球證叫game on，如果球證叫停佢一定停咁話；而羅渣士都撐球員好聽球證話。不過點都好啦，結果都係和波，而文仙尼就認為9分可以追得到。你又點睇？得嘅得嘅！唔好擔心！
追唔追到，都要睇自己生唔生性！