(對富咸賽後語) 朗尼:全隊上下都撐迪基亞 唔好再針對佢!!!

曼聯專區 於 03/02/2013 發表 收藏文章
曼聯作客對富咸嘅賽事,成場波兩隊都互有攻守,臨近半場仲有停電呢一幕,賽事都可以話幾多精彩片段,最終曼聯靠朗尼一箭定江山,小勝1-0,終算取得寶貴嘅3分,雖然話就話曼聯呢場波都有唔少攻擊,有中柱中楣,之不過富咸多次攻門,幸好有後防瓦解,以及有迪基亞表現出色才力保不失,所以賽後就連朗尼都大讚呢位門將,仲話全隊個個都撐佢,叫傳媒唔好再針對佢!!!

朗尼:
朗尼晌賽後加入伊雲斯同費SIR支持迪基亞團隊,佢就話喇,「佢表現非常出色,我認為佢呢幾個禮拜嘅表現好好,作出咗唔少精彩撲救! 我知佢晌對熱刺一場波被丹普西入波後,大家都對作出咗好多批評,之不係大家諗下,佢嗰場波其實救咗5、6個必入波,錯誤有好多種,但呢個並唔係好大嘅錯誤,我哋全隊上下都會支持佢,佢絕對係球隊入面一個出色球員,仲係未來關鍵球員添!

伊雲斯:
「佢今場波有好多個精彩撲救,尤其係救出雷斯嗰個波,大家都知道佢絕對有能力可以救出呢個波,我覺得外界有太多人低估咗佢撲救嘅能力! 」

費SIR:
「呢場波球隊表現好好,大家目標一致就係唔可以輸呢場波,所以呢個亦係一個極佳嘅結果! 富咸一向主場成績都好好,大家都知道之前幾年我哋都好難晌呢到贏波,所以我哋攞到3分,係最好嘅賽果,唔理對前列、中游定下游球隊,三分都係咁重要,同時今場之後亦令球隊晌榜首有更好嘅優勢!

「睇返球隊嘅表現呀,富咸都有好多攻勢挑戰迪基亞,但佢救出唔少波,後防伊雲斯同里奧亦多次用頭搥解圍,球隊今場波入波機會都有,上半場就已經中過3次柱或門楣,而下半場小豆同雲佩斯都有極佳入球機會,只係錯失咗,就憑呢啲機會,球隊值得贏波而回,球隊亦完全顯示出贏波嘅決心! 」

「對於迪基亞,我哋一向都唔洗為佢擔憂! 佢今日表現好好,晌曼聯效力係一個好大嘅挑戰,特別對一個年青門將嚟講,一啲都唔容易,全隊上下都希望佢晌到享受比賽!

標籤: 朗尼  曼聯  迪基亞  費格遜  伊雲斯  

留言


請按此登錄後留言。未成為會員? 立即註冊
    快捷鍵:←
    快捷鍵:→