碧咸正式加盟PSG 5個月 但人工分毫唔收???

曼聯專區 於 01/02/2013 發表 收藏文章
由細細個開始就住喺倫敦嘅碧咸,由離開銀河之後一直都話想返倫敦定居,所以大家一路都將佢同英超球會扯上關係,先有晌車路士訓練場亮相,原來係帶幾個仔仔去試腳,唔係加盟…及後就去到阿仙奴訓練場登場,目的係為咗跟操、操體能,又唔係加盟…但去到1月31日轉會窗最後一日,落腳點終於揭曉——法甲豪門巴黎聖日耳門,並且簽約5個月。
阿仙奴跟操...
飛去巴黎...
去PSG體測...

碧咸晌記者會就話喇:「自己已經37歲喇,好好彩自己收到好多offer,至於我睇巴黎聖日耳門嘅原因,就係我睇好嘅未來方針,佢哋引入咗她多好球員,未來10、15、20年日子球會必定會邁向成功,能夠成為佢哋成功之路嘅一份子,我感到好光榮。雖然只係簽約5個月,但我會認為自己係球會未來嘅一份子,未來一份子唔一定以球員身份去作出貢獻,可以晌其他方面嘅,之不過我體能依然好好,好似22歲咁,只係欠奉速度,不過唔緊要呀,因為我一向都唔係sell速度!

碧咸曾經講過唔想晌英超以其他隊嘅球員身份對返曼聯,而咸爺亦最終承諾咗呢番說話:「的確有英超球會想簽我,但我拒絕咗而加盟巴黎聖日耳門,正如我之前講過,我同曼聯有好多美好嘅時光,我依然好愛曼聯,除咗曼聯之外,我唔想踢其他英超球會!

除咗對上兩個原因外,佢仲有一個好獨特因素而加盟PSG:「仲有一個獨特原因令我加盟巴黎聖日耳門,呢個就係….我呢5個月係唔會收到仕任何錢,事關我嘅人工將會全數捐去巴黎一間兒童慈善機構,球會同我本人都對呢件事感覺好自豪同興奮,從來都無人試過咁做! 」
將晌巴黎所得到嘅人工全數捐去兒童慈善機構,RESPECT !

碧咸記者會入面提過佢老婆同仔女會留晌倫敦,因為仔女已經開始要返學喇,講到家庭,難免令人聯想到呢份會唔會係佢最後一份球員合約,對此,佢就講喇,「我唔知今次會唔伯係自己最後一份球員合約,外界成日都揣測我幾時退休,但晌我角度上,只要我有能力嘅話,我希望可以繼續踢波,能踢到幾耐就幾耐,因為我對足球太有熱誠,並唔係單單為咗一份大合約而踢波!

最後佢對足球有熱誠外,佢內心仍充滿競爭鬥心:「我唔會期望攞到正選,或者場場都有得踢,但我會為爭正選位置而下功夫!!!」碧咸熱愛踢波嘅投入,實在不得不付令人敬佩!
碧咸晌自己facebook post咗印咗新衫俾囡囡著,亦各大家展示咗佢會著咩no喇....

留言


請按此登錄後留言。未成為會員? 立即註冊
    快捷鍵:←
    快捷鍵:→