送仔仔去車路士試腳，碧咸自己就現身阿仙奴? 精選

早前英國傳媒就報導碧咸將佢3個仔仔先後送到去車路士去試腳，而昨日英國《太陽報》就披露，碧咸無跟隨去車路士，反而去咗另一支倫敦球會阿仙奴跟操，以保持狀態。
報章更為佢配上阿仙奴波衫，盛傳佢加盟阿仙奴...

其實話就今次已經唔係碧咸第一次去到阿仙奴同佢哋一隊訓練呀喇，早晌08年1月，當時仲晌洛杉磯銀河嘅碧咸，就因為MLS球季結束而暫時回國跟阿仙奴一齊訓練，當時領象雲加仲話碧咸一直好鐘意阿仙奴，仲引起咗英國傳媒對於碧咸外借阿仙奴嘅傳聞。至於今次睇返上圖，傳到阿仙奴琅碧咸，之不過及後就有人話應該係傳聞〝事關早前雲加都唔要35嘅「親生仔」亨利，以年輕化見稱嘅兵工廠，又點會要現年37歲嘅碧咸呢?早晌08年佢就去過阿仙奴訓練...

晌去年年底宣布離開銀河之後，表明想延續自己足球生涯嘅碧咸，至今下一站落腳點仍係一個謎，英超、早前已經傳過意甲、法甲甚至澳超、中超都成為佢嘅新東家，但碧咸現時嘅態度好明顯一啲都唔急，一位晌阿仙奴內部人士就話喇，就連今次嚟到阿仙奴訓練佢都一切保密，佢就係唔想俾人知道佢嘅行蹤。雖然早前亦傳過佢會加盟韋斯咸或者昆士柏流浪，但依家睇怕都係得個「傳」字，況且碧咸依家係自由身，唔受轉會窗限制，一切一切佢都唔需要急於一月尾前決定，咁可能一眾球迷要再等多一段時間先知碧咸下一站去邊…碧咸日前仲一家人去睇馬戰，睇怕佢都唔急於搵新東家...

碧咸今次呢兩個舉動(送仔仔去車路士試腳，碧咸去阿仙奴訓練)，可能令一眾曼迷好傷心，事關唔明白點解碧咸唔揀曼聯? 不過碧咸本身土生土長晌倫敦，而且依家佢屋企又晌倫敦，如果要送仔仔或者自己返曼聯訓練都實在太遠喇，相信碧咸有咁嘅決定都係為咗方便。三名兒子已先後到車路士試腳...